અફઘાનિસ્તાનનો સુવર્ણ પ્રસ્તાવ! ભારતીય રોકાણકારોને સોનાના ખાણકામ પર પાંચ વર્ષની કર મુક્તિ મળશે.

અફઘાનિસ્તાનના મંત્રી અલ્હાજ નૂરુદ્દીન અઝીઝીનો ભારત પ્રવાસ: સોનાના ખાણકામ પર ભારતીય રોકાણકારોને 5 વર્ષ માટે કરમુક્તિ અને એર કાર્ગો કોરિડોરની જાહેરાત

દિલ્હી: અફઘાનિસ્તાનના વાણિજ્ય અને ઉદ્યોગ મંત્રી અલ્હાજ નૂરુદ્દીન અઝીઝીએ પોતાના છ દિવસના ભારત પ્રવાસ દરમિયાન મહત્વપૂર્ણ વ્યાપારિક નિર્ણયો લીધા છે. આ મુલાકાત દરમિયાન ભારત અને અફઘાનિસ્તાન વચ્ચે વેપારને વિસ્તૃત કરવા માટે અનેક મહત્વપૂર્ણ પગલાં લેવામાં આવ્યા, જેમાં સોનાના ખાણકામ પર 5 વર્ષની કરમુક્તિ, એર કાર્ગો કોરિડોર, અને નવી રોકાણ તકોનો સમાવેશ થાય છે.

ભવ્ય વેપાર અને રોકાણના નિર્ણય

અઝીઝીએ વિદેશ મંત્રી એસ. જયશંકર અને વાણિજ્ય રાજ્ય મંત્રી જિતિન પ્રસાદ સાથે બેઠક કરી, જેમાં ભારતીય ઉદ્યોગપતિઓ સાથે પણ વ્યાપારિક ચર્ચાઓ કરવામાં આવી. અઝીઝી અનુસાર, એક ભારતીય વેપાર દૂત એક મહિનાની અંદર અફઘાનિસ્તાનમાં પ્રવાસ કરશે અને કાબુલ ઇચ્છે છે કે બંને દેશો વચ્ચેનો વેપાર 1 અબજ ડોલરથી વધુ થાય.

અઝીઝીએ જણાવ્યું કે ખાનગી રોકાણ અને નવી રોકાણ તકોમાં ભારત અને અફઘાનિસ્તાન બંને મજબૂત ભાગીદારી માટે તૈયાર છે. તેમણે ખાસ કરીને સોનાના ખાણકામમાં રોકાણ કરનાર ભારતીય કંપનીઓને પાંચ વર્ષ માટે સંપૂર્ણ કરમુક્તિ આપવાની જાહેરાત કરી.

એર કાર્ગો કોરિડોર અને નવા રોકાણી અવસર

અફઘાનિસ્તાન અને ભારત વચ્ચે એર કાર્ગો કોરિડોર શરૂ થવાની જાહેરાત પણ કરવામાં આવી છે, જેમાં કાબુલ-દિલ્હી અને કાબુલ-અમૃતસર રૂટ પર ફલાઇટ્સ ટૂંક સમયમાં શરૂ થશે. આથી વેપાર અને માલવહીવટ ઝડપી અને સરળ બનશે.

અઝીઝીએ કહ્યું કે અફઘાનિસ્તાનમાં ખાણકામ, કૃષિ, આરોગ્યસંભાળ, આઇટી, વીજળી અને કાપડ જેવા ક્ષેત્રોમાં નોંધપાત્ર રોકાણ તકો ઉપલબ્ધ છે. સોનાની ખાણકામ માટે ખાસ સૂચના આપવામાં આવી છે કે ભારતીય ટેકનિકલ ટીમો અને કંપનીઓ પહેલાં સર્વેક્ષણ અને સંશોધન કરે, ત્યાર પછી જ પ્રોજેક્ટ શરૂ કરે.

વાણિજ્યિક સરળતા અને ટેરિફ લાભ

અફઘાનિસ્તાન ભારતને વિનંતી કરી રહ્યું છે કે વિઝા, એર કોરિડોર, બેંક વ્યવહાર અને ટેરિફ સંબંધિત અવરોધો ઝડપથી દૂર કરવામાં આવે, જેથી વેપાર અને રોકાણ ઝડપી પ્રગતિ કરી શકે.
અફઘાનિસ્તાનની અરજી મુજબ, જો ભારતીય કંપનીઓ મશીનરી લાવે તો માત્ર એક ટકા ટેરિફ લાગશે, એટલે કે માલ લગભગ મફતમાં પહોંચશે.

વેપાર વૃદ્ધિ માટે મોટા પગલાં

વિદેશ મંત્રાલયના સંયુક્ત સચિવ આનંદ પ્રકાશએ જણાવ્યું કે અત્યાર સુધી ભારત-અફઘાનિસ્તાન વચ્ચેનો વેપાર લગભગ $1 બિલિયન છે, પરંતુ નવા પ્રયાસો સાથે આ નોંધપાત્ર રીતે વધવાની શક્યા છે. જૂના સંયુક્ત કાર્યકારી જૂથને ફરીથી સક્રિય કરીને બંને દેશોમાં વેપાર અને રોકાણ વધારવાની તૈયારી છે.

અઝીઝીએ ભારતની સત્તાવાર મુલાકાત પૂર્ણ કરી, ત્યારબાદ ઇસ્તંબુલ જવા માટે રવાના થયા.