દુબઈમાં શાહરુખ ખાનની ‘બાદશાહત’: SRKના નામે 55-માળનું ટાવર લોન્ચ, ₹5,000 કરોડનો લકઝરી પ્રોજેક્ટ

દુબઈમાં બોલિવૂડના કિંગ ખાન તરીકે ઓળખાતા શાહરુખ ખાનના નામ પર વિશ્વનું પ્રથમ કોમર્શિયલ ટાવર ‘SHAHRUKHZ by Danube’ લોન્ચ થયું છે. 2.1 બિલિયન દિરહામ (₹5,000 કરોડ) કિંમતના આ મેગા પ્રોજેક્ટનું લોન્ચિંગ રોકાણકારોએ ભવ્ય કાર્યક્રમમાં કર્યું અને પ્રોજેક્ટ પ્રથમ જ દિવસે સંપૂર્ણપણે વેચાઈ ગયો. ડેન્યૂબ ગ્રૂપના સ્થાપક રિઝવાન સાજન અને શાહરુખ ખાન બંને આ લોન્ચિંગ ઇવેન્ટમાં હાજર રહ્યા હતા.

6,000થી વધુ મહેમાનોની હાજરી — શાહરુખનો ધમાકેદાર પરફોર્મન્સ

દુબઈ એક્સ્પો સિટીના એક્ઝિબિશન સેન્ટરમાં યોજાયેલી લૉન્ચિંગમાં

• UAEની સેલિબ્રિટીઝ
• ટોચના સર્જકો અને ઉદ્યોગપતિઓ
• વૈશ્વિક મીડિયા હસ્તીઓ
• રિયલ એસ્ટેટ જગતના દિગ્ગજો

આવ્યા હતા. સ્ટેજ પર શાહરુખ ખાનની એન્ટ્રી જ ઈવેન્ટનું મુખ્ય આકર્ષણ બની. ‘કિંગ’ના BGM પર SRKએ શાનદાર એન્ટ્રી કરી, ત્યારબાદ ‘પઠાણ’ના ગીત પર ડાન્સ અને ‘ઓમ શાંતિ ઓમ’નો આઇકોનિક ડાયલોગ બોલી પ્રેક્ષકોને મંત્રમુગ્ધ કરી દીધા. સોશિયલ મીડિયા પર SRKના આ વીડિયો ભારે વાઈરલ થઈ રહ્યા છે.

શાહરુખનો સંદેશ: “જીવન બદલવું હોય તો મહેનત જરૂરી”

ઈવેન્ટમાં બોલતા શાહરુખ ખાને પોતાના જીવનના મંતવ્યો શેર કરતા જણાવ્યું:
“જીવનમાં કંઈ બદલવું હોય—નાણાકીય, ભાવનાત્મક કે ખુશી—તેમાટે સખત મહેનત કરવી જરૂરી છે. તમારે તમારું શ્રેષ્ઠ આપવું જ પડે.”

એક્ટરના નામે વિશ્વનું પ્રથમ 55-માળનું ટાવર

ડેન્યૂબ પ્રોપર્ટીઝે શેખ ઝાયેદ રોડ પર 55-માળનું પ્રીમિયમ કોમર્શિયલ ટાવર બનાવવાની જાહેરાત કરી છે, જેનું નામ શાહરુખ ખાનના નામ પર રાખવામાં આવ્યું છે.
ટાવર વર્ષ 2029માં પૂરું થશે અને એમાં હશે—

• પ્રવેશદ્વાર પર SRKના સિગ્નેચર પોઝવાળું સ્ટેચ્યૂ
• 10 લાખ ચોરસ ફૂટથી વધુ બિલ્ટ-અપ એરિયા
• પ્રોપર્ટીની કિંમત ₹4 કરોડથી શરૂઆત

શાહરુખ સાથેના કરાર અનુસાર આ ટાવર હંમેશાં માટે તેમના નામ પર જ રહેશે.

આકર્ષક પેમેન્ટ પ્લાન + 10 વર્ષનો ગોલ્ડન વિઝા

ડેન્યૂબ ચેરમેન રિઝવાન સાજન મુજબ:

• કંપનીનો 1% પેમેન્ટ પ્લાન લાગુ થશે
• 20% ડાઉન પેમેન્ટ બાદ ગ્રાહકો આગામી 6 વર્ષ સુધી દર મહિને માત્ર 1% ચુકવશે
• ખરીદદારોને 10 વર્ષનો ગોલ્ડન વિઝા પણ મળશે

ટાવરમાં 40થી વધુ સુવિધાઓ હશે—

• સ્કાય પૂલ
• એર ટેક્સી માટે હેલિપેડ
• વેલેટ સર્વિસ
• એક્સક્લૂઝિવ બિઝનેસ લાઉન્જ

સ્થાન દૃષ્ટિએ પણ પ્રોજેક્ટ પ્રીમિયમ છે—બુર્જ ખલીફા, દુબઈ એરપોર્ટ અને ગોલ્ડ સૂકની નજીક.

SRKનું રિએક્શન

શાહરુખ ખાને પ્રોજેક્ટ વિશે કહ્યું:
“દુબઈમાં મારા નામ પર લેન્ડમાર્ક હોવું એ મારા માટે ગૌરવની વાત છે. દુબઈ એ હિંમત, કલ્પના અને ‘કઈ પણ અશક્ય નથી’ એવી માન્યતા પર બનેલું શહેર છે. ‘SHAHRUKHZ by Danube’ એ જ ભાવનાને પ્રતિબિંબિત કરે છે.”

પ્રોફેશનલ મોરચે: ‘કિંગ’ની તૈયારી

શાહરુખ હાલ સિદ્ધાર્થ આનંદ દિગ્દર્શીત ‘કિંગ’ ફિલ્મમાં વ્યસ્ત છે. ફિલ્મમાં તેમની સાથે—

• સુહાના ખાન
• દીપિકા પાદુકોણ
• અભિષેક બચ્ચન
  આદી કલાકારો જોવા મળશે.