બ્રહ્મપુત્રા નીચે ભારતની પહેલી અંડરવોટર ટનલ, 6 કલાકનો રસ્તો હવે 20 મિનિટમાં

વડાપ્રધાન Narendra Modiની અધ્યક્ષતામાં શનિવારે યોજાયેલી કેબિનેટ બેઠકમાં આસામમાં Brahmaputra Riverની નીચે દેશની પ્રથમ રોડ-કમ-રેલ અંડરવોટર ટનલ સહિત ફોર-લેન એક્સેસ-કંટ્રોલ્ડ ગ્રીનફિલ્ડ કોરિડોરને મંજૂરી આપવામાં આવી છે. આ મહત્ત્વાકાંક્ષી પ્રોજેક્ટનો અંદાજિત ખર્ચ ₹18,662 કરોડ રહેશે.

15.79 કિમી લાંબી ટનલ, 6 કલાકની સફર હવે 20 મિનિટમાં

પ્રોજેક્ટ હેઠળ ગોહપુર (NH-15)થી નુમાલીગઢ (NH-715) વચ્ચે 15.79 કિલોમીટર લાંબી ટનલ બનાવવામાં આવશે. હાલ નુમાલીગઢ અને ગોહપુર વચ્ચે લગભગ 240 કિમીનું અંતર કાપવામાં 6 કલાક જેટલો સમય લાગે છે, પરંતુ ટનલ કાર્યરત થયા બાદ આ સમય માત્ર 20 મિનિટ સુધી સીમિત થઈ જશે.
આ ટનલ એન્જિનિયરિંગ-પ્રોક્યોરમેન્ટ-કન્સ્ટ્રક્શન (EPC) મોડેલ પર વિકસાવવામાં આવશે. એક જ સુરંગમાં રોડ અને રેલ લાઇન હશે, જેમાં ટ્રેન અને વાહનો એકસાથે દોડશે.

પૂર્વોત્તર રાજ્યોને મોટો લાભ

આ પ્રોજેક્ટ આસામ, અરુણાચલ પ્રદેશ અને નાગાલેન્ડ સહિત પૂર્વોત્તર રાજ્યોને વધુ સારી કનેક્ટિવિટી આપશે.

• 11 આર્થિક, 3 સામાજિક, 2 પર્યટન અને 8 લોજિસ્ટિક નોડ્સ સાથે જોડાણ
• 4 મુખ્ય રેલવે સ્ટેશન, 2 એરપોર્ટ અને 2 જળમાર્ગ સાથે કનેક્ટિવિટી
• અંદાજે 80 લાખ લોકોને સીધો અને આડકતરી રોજગાર

આ પ્રોજેક્ટથી ઉત્તર-પૂર્વ ભારતની વ્યૂહાત્મક અને આર્થિક સ્થિતિ મજબૂત બનશે.

વિશ્વમાં અનોખી પહેલ

હાલમાં દુનિયાભરમાં માત્ર Channel Tunnel જ એકમાત્ર અંડરવોટર રોડ-કમ-રેલ ટનલ છે, જે ઇંગ્લિશ ચેનલની નીચે બનાવીને United Kingdom અને Franceને જોડે છે. 1994માં શરૂ થયેલી આ ટનલની કુલ લંબાઈ લગભગ 50.45 કિમી છે, જેમાંથી 37.9 કિમી ભાગ સમુદ્રની નીચે છે.
બ્રહ્મપુત્રા ટનલ પૂર્ણ થયા બાદ ભારત વિશ્વની બીજી એવી સિદ્ધિ ધરાવતો દેશ બનશે.

નોઈડા મેટ્રો વિસ્તરણને પણ મંજૂરી

કેબિનેટે Noida Metro Rail Corporation હેઠળ સેક્ટર-142થી બોટનિકલ ગાર્ડન સુધીના 11.56 કિમી લાંબા વિસ્તરણ કોરિડોરને મંજૂરી આપી છે.
આમાં 8 એલિવેટેડ સ્ટેશનો બનાવાશે. પ્રોજેક્ટ પૂર્ણ થયા બાદ નોઈડા-ગ્રેટર નોઈડાનું મેટ્રો નેટવર્ક 61.62 કિમી સુધી વિસ્તરશે.
બોટનિકલ ગાર્ડન પર Delhi Metroની બ્લુ લાઇન અને મેજેન્ટા લાઇન સાથે ઇન્ટરચેન્જ સુવિધા મળશે, જેના કારણે ટ્રાફિકમાં ઘટાડો અને વ્યાવસાયિક-શૈક્ષણિક વિસ્તારો સાથે સીધો જોડાણ મળશે.

₹1 લાખ કરોડનું અર્બન ચેલેન્જ ફંડ

કેબિનેટે શહેરી માળખાકીય સુવિધાઓ માટે ₹1 લાખ કરોડના ‘અર્બન ચેલેન્જ ફંડ (UCF)’ને મંજૂરી આપી છે. માહિતી અને પ્રસારણ મંત્રી Ashwini Vaishnawએ જણાવ્યું કે આ યોજના 2025-26થી 2030-31 સુધી અમલમાં રહેશે.
આ યોજનાનો લાભ 10 લાખથી વધુ વસ્તીવાળા શહેરો, રાજધાનીઓ અને 1 લાખથી વધુ વસ્તીવાળા ઔદ્યોગિક શહેરોને મળશે. નાના શહેરો માટે ₹5,000 કરોડની ક્રેડિટ રિપેમેન્ટ ગેરંટી યોજનાને પણ મંજૂરી આપવામાં આવી છે.