2025માં EV સેગમેન્ટમાં TVS મોખરે, ઓલાની સર્વિસ ખામીને કારણે સ્થિતિ પાંચમાં નંબરે સરકી

વર્ષ 2025 ઇલેક્ટ્રિક ટુ-વ્હીલર બજારમાં મોટું ઉલટફેર લાવ્યું છે. અગાઉ માર્કેટ લીડર રહી ઓલા ઇલેક્ટ્રિકનો બજાર હિસ્સો 36.7% થી ઘટીને માત્ર 16.1% થયો છે. ઓલાને પાછળ છોડીને TVS મોટર 24.2% હિસ્સેદારી સાથે નવા વર્ષમાં માર્કેટ લીડર બની છે.

બજાર હિસ્સામાં પરિવર્તન

• TVS મોટર્સ: 19.8% → 24.2%
• બજાજ ઓટો: 17.4% → 21.9%
• એથર એનર્જી: 11.3% → 16.2%
• હીરો મોટોકોર્પ: 3.9% → 8.8%
• ઓલા ઇલેક્ટ્રિક: 36.7% → 16.1%
• અન્ય: 10.9% → 12.8%

TVS મોટરે વર્ષમાં કુલ 2,95,315 યુનિટ્સ વેચીને ટોચનું સ્થાન પ્રાપ્ત કર્યું છે, જ્યારે બજાજ ઓટો 21.9% હિસ્સેદારી સાથે બીજા નંબરે રહી. એથર એનર્જી 16.2% હિસ્સેદારી સાથે આગળ વધી રહ્યું છે, અને હીરો મોટોકોર્પે 8.8% માર્કેટ શેર સાથે લાંબી છલાંગ લગાવી છે.

ઓલા ઇલેક્ટ્રિકને પડકાર
ઓલાના ઘટાડા પાછળ સર્વિસમાં વિલંબ, વાહનમાં ખામીઓ અને ગ્રાહકોની સતત ફરિયાદો મુખ્ય કારણ છે. વર્ષ 2025માં કંપનીએ માત્ર 1,96,767 વાહનો વેચ્યા. નવેમ્બરના સરખામણીએ ડિસેમ્બરમાં ઓલાના માર્કેટ શેરમાં થોડો સુધારો થયો (7.4% → 8.4%), પરંતુ એ હજુ પણ પહેલા જેટલો પ્રભાવશાળી નથી.

ડિસેમ્બરમાં સૌથી વધુ વેચાણ TVSનું
ડિસેમ્બર મહિનામાં વેચાયેલા કુલ ઇલેક્ટ્રિક ટુ-વ્હીલર્સમાંથી આશરે 33% એકલા TVSનાં રહ્યા, જ્યારે બજાજ અને એથર મળીને 46% માર્કેટ પર કબજો કર્યો. આથી સ્પષ્ટ થાય છે કે જૂના વાહન ઉત્પાદકોનો સર્વિસ નેટવર્ક અને બ્રાન્ડ વિશ્વાસ નવી કંપનીઓ માટે ફાયદાકારક સાબિત થઈ રહ્યો છે.

2025ના આ ઉથલપાથલથી EV બજારમાં સ્પર્ધા વધુ કડક અને ગ્રાહકો માટે પસંદગી વધુ વિકલ્પસભર બની છે.