બોલ્ડ, બ્લેક અને બ્યુટીફુલ! સોનમ કપૂરે બીજી પ્રેગ્નેન્સીનું મેટરનિટી ફોટોશૂટ કરાવ્યું

બોલિવૂડની ફેશન આઇકન અને એક્ટ્રેસ સોનમ કપૂરે તાજેતરમાં પોતાની બીજી પ્રેગ્નેન્સી દરમિયાન મેટરનિટી ફોટોશૂટ કરાવ્યું છે. સોનમ બીજી વખત માતા બનવા જઈ રહી છે અને તેણે આ ખાસ ક્ષણોને પોતાના સોશિયલ મીડિયા પર શેર કર્યા છે. શેર કરેલી તસવીરોમાં સોનમનો લુક આત્મવિશ્વાસુ, ગ્લેમરસ અને અત્યંત સ્ટાઇલિશ જોવા મળી રહ્યો છે.

ફોટો પોસ્ટ કરતાં સોનમે કેપ્શનમાં લખ્યું છે, ‘મમા’સ ડે આઉટ’, જે તેના ફેન્સને ખાસ ગમી રહ્યું છે. તસવીરોમાં સોનમ ઓલ બ્લેક આઉટફિટમાં બેબી બમ્પ ફ્લોન્ટ કરતી નજરે પડે છે. તેણે બ્લેક હાઈ-નેક ક્રોપ ટોપ પહેર્યો છે, જેના ઉપર સ્ટ્રક્ચર્ડ બ્લેઝર છે. બ્લેઝરમાં ડબલ કોલર અને નોચ લેપલ્સ જોવા મળે છે. પેન્ટની જગ્યાએ તેણે પેન્સિલ સ્ટાઈલ મેક્સી સ્કર્ટ પસંદ કરી છે, જે લુકને વધુ એલિગન્ટ બનાવે છે.

એક્સેસરીઝ બાબતે સોનમે સિમ્પલ પરંતુ ક્લાસી પસંદગી કરી છે. તેણે ડાયમંડ પેન્ડન્ટ, વેસ્ટ ચેન, કેટલીક રિંગ્સ અને બ્લેક હર્મેસ બકેટ બેગ કેરી કરી છે. મેકઅપમાં ફુલ ગ્લેમ લુક અપનાવ્યો છે, જેમાં આંખો પર હળવી શિમર, શાર્પ આઈલાઈનર અને લાંબી લેશીસ ખાસ ધ્યાન ખેંચે છે.

આ મેટરનિટી લુકને સોનમની બહેન અને જાણીતી સ્ટાઈલિસ્ટ રિયા કપૂરે સ્ટાઈલ કર્યો છે. નોંધનીય છે કે સોનમ પહેલેથી જ એક દીકરાની માતા છે. તેનો દીકરો વાયુ ત્રણ વર્ષનો છે, જેનો જન્મ ઓગસ્ટ 2022માં થયો હતો.

સોનમે 8 મે 2018ના રોજ બિઝનેસમેન આનંદ આહુજા સાથે મુંબઈમાં શીખ રીતિ-રિવાજ મુજબ લગ્ન કર્યાં હતાં. આનંદ આહુજા ‘શાહી એક્સપોર્ટ્સ’ના મેનેજિંગ ડિરેક્ટર છે અને ફેશન બ્રાન્ડ ‘ભાને’ના માલિક પણ છે.

કેરિયર બાબતે વાત કરીએ તો, સોનમે વર્ષ 2007માં ફિલ્મ **‘સાવરિયા’**થી બોલિવૂડમાં ડેબ્યૂ કર્યું હતું. તેની લોકપ્રિય ફિલ્મોમાં ‘નીરજા’, ‘રાંઝણા’ અને **‘પ્રેમ રતન ધન પાયો’**નો સમાવેશ થાય છે. તે છેલ્લે ફિલ્મ **‘બ્લાઇન્ડ’**માં જોવા મળી હતી, જે 7 જુલાઈ 2023ના રોજ જિયો સિનેમા પર રિલીઝ થઈ હતી.