ગોવામાં ઇતિહાસ રચાયો: વિશ્વની સૌથી 77 ફૂટ ઊંચી રામ પ્રતિમાનું PM મોદીના હાથે અનાવરણ

વડાપ્રધાન નરેન્દ્ર મોદીએ શુક્રવારે દક્ષિણ ગોવાના શ્રી સંસ્થાન ગોકર્ણ જીવોત્તમ મઠ ખાતે ભગવાન રામની 77 ફૂટ ઊંચી ભવ્ય કાંસાની પ્રતિમાનું ભવ્ય અનાવરણ કર્યું. ગુજરાતના પ્રસિદ્ધ શિલ્પકાર અને સ્ટેચ્યુ ઓફ યુનિટીના સર્જક રામ સુતાર દ્વારા રચાયેલ આ પ્રતિમા, દુનિયાભરમાં ભગવાન રામની સૌથી ઊંચી પ્રતિમા તરીકે ઓળખાશે.

આ અનાવરણ કાર્યક્રમ મઠ પરંપરાની 550મી વર્ષગાંઠના અવસર સાથે સુસંગત રીતે આયોજન કરવામાં આવ્યું હતું. ગોવાના રાજ્યપાલ અશોક ગજપતિ રાજુ, મુખ્યમંત્રી પ્રમોદ સાવંત, કેન્દ્રીય મંત્રી શ્રીપદ નાઈક અને ગોવા કેબિનેટના અનેક મંત્રીઓ સહિત હજારો ભક્તોની હાજરીમાં આ ઐતિહાસિક ક્ષણ સર્જાઈ.

રામ સુતારની કલા–દુનિયાને મંત્રમુગ્ધ કરતી પ્રતિમા

આ વિશાળ પ્રતિમા પ્રખ્યાત શિલ્પકાર રામ સુતારના માર્ગદર્શન હેઠળ તૈયાર કરવામાં આવી છે, જેમણે ગુજરાતમાં વિશ્વના સૌથી ઊંચા સ્ટેચ્યુ ઓફ યુનિટીનું નિર્માણ કર્યું હતું.
ભગવાન રામને ધીર-વીર સ્વરૂપે, ધનુષ્ય અને તીર સાથે દર્શાવતી આ પ્રતિમા ઊર્જા, શાંતિ અને આધ્યાત્મિક મહિમાનું પ્રતીક છે. ભવ્યતા અને દિવ્યતાનો અદ્દભુત સમન્વય આ પ્રતિમાને અનોખી બનાવે છે.

મઠનો ઇતિહાસ અને 550મી વર્ષગાંઠની ઉજવણી

શ્રી સંસ્થાન ગોકર્ણ પર્તાગલ જીવોત્તમ મઠ વૈષ્ણવ પરંપરાનો પ્રથમ ગૌડ સારસ્વત બ્રાહ્મણ મઠ છે, જે દ્વૈત વેદાંત દર્શનનું પાલન કરે છે. મઠની પરંપરા 13મી સદીમાં જગદગુરુ શ્રી માધવાચાર્ય દ્વારા સ્થાપિત કરવામાં આવી હતી.

• મઠનું મુખ્ય મથક દક્ષિણ ગોવાના કાનાકોના તાલુકાના પર્તાગલ ગામમાં, કુશાવતી નદીના કિનારે સ્થિત છે.
• મઠનું વર્તમાન ભવન લગભગ 370 વર્ષ પહેલાં નિર્માણ થયું હતું.
• 550મી વર્ષગાંઠ પ્રસંગે 27 નવેમ્બરથી 7 ડિસેમ્બર સુધી અનેક ધાર્મિક અને સાંસ્કૃતિક કાર્યક્રમોનું આયોજન થયું છે.
• દરરોજ 7,000–10,000 ભક્તોની હાજરીની અપેક્ષા છે.

રામાયણ થીમ પાર્ક અને રામ સંગ્રહાલય પણ તૈયાર

પ્રતિમાની સાથે—

• રામાયણ થીમ પાર્ક,
• રામ સંગ્રહાલય,
• ધાર્મિક પ્રવાસનને વેગ આપતી આધુનિક સુવિધાઓ

પાર્થગલી મઠના આકર્ષણોને વૈશ્વિક સ્તરે વધુ ઓળખ આપશે.