ગુજરાતમાં આકરી ગરમીનો કહેર યથાવત: અમદાવાદમાં 43.7°C સાથે લોકો શેકાયા, 24 કલાક બાદ રાહતની આશા

ગુજરાતમાં છેલ્લા કેટલાક દિવસોથી પડી રહેલી આકરી ગરમી વચ્ચે હવે નાગરિકો માટે રાહતના સંકેત દેખાઈ રહ્યા છે. હવામાન વિભાગના અનુમાન મુજબ, આગામી 24 કલાક બાદ રાજ્યના મહત્તમ તાપમાનમાં 2થી 3 ડિગ્રી સેલ્સિયસ સુધીનો ઘટાડો થઈ શકે છે. જોકે, આગામી એક સપ્તાહ સુધી રાજ્યના મોટાભાગના વિસ્તારોમાં તાપમાન 40°Cથી વધુ જ રહેવાની શક્યતા વ્યક્ત કરવામાં આવી છે.

વિતેલા 24 કલાક દરમિયાન રાજ્યના અનેક શહેરોમાં ગરમીનો પારો 43°Cને પાર પહોંચ્યો હતો. સતત બીજા દિવસે અમદાવાદ રાજ્યનું સૌથી ગરમ શહેર રહ્યું, જ્યાં મહત્તમ તાપમાન 43.7°C નોંધાયું હતું. રાજકોટમાં 43.6°C, ગાંધીનગરમાં 43.2°C, અમરેલીમાં 43.1°C અને સુરેન્દ્રનગરમાં 43°C તાપમાન નોંધાતા લોકો ગરમીથી ત્રાહિમામ પોકારી ઉઠ્યા હતા.

અમદાવાદમાં 44°C સુધી પહોંચે તેવી શક્યતા

અમદાવાદમાં આજે આખો દિવસ આકાશ ચોખ્ખું રહ્યું હતું અને ગરમીનો તાપ યથાવત રહ્યો હતો. શહેરમાં મહત્તમ તાપમાન સામાન્ય કરતાં 1.7°C વધુ નોંધાયું હતું. જ્યારે લઘુત્તમ તાપમાન 28.6°C રહ્યું હતું. સવારે હવામાં ભેજનું પ્રમાણ 50% હતું, જે સાંજે ઘટીને 18% થયું હતું.

હવામાન વિભાગના જણાવ્યા અનુસાર, આગામી દિવસોમાં અમદાવાદનું તાપમાન 44°C સુધી પહોંચી શકે છે, જેના કારણે હીટવેવ જેવી સ્થિતિ સર્જાઈ શકે છે.

અમદાવાદમાં 5 વર્ષમાં મે મહિનામાં 1થી 17 વચ્ચેની ગરમી

વર્ષ	40 ડિગ્રી વધુ (દિવસ)	43 ડિગ્રી વધુ (દિવસ)	હીટવેવ (દિવસ)
2026	14	11	3
2025	1	0	0
2024	10-12	5	4-5
2023	6-8	2-3	2-3
2022	7-9	3-4	2-4
2021	4-6	1-2	1-2

અનેક શહેરોમાં 42°Cથી વધુ તાપમાન

હવામાન વિભાગે આજે અમદાવાદ અને ગાંધીનગરમાં 43°C, રાજકોટમાં 43°C, વડોદરામાં 42°C, અમરેલીમાં 42°C, ભૂજમાં 42°C અને ડીસામાં પણ 42°C સુધી તાપમાન પહોંચવાની આગાહી કરી છે. સુરતમાં અન્ય શહેરોની સરખામણીએ થોડું ઓછું તાપમાન 38°C આસપાસ રહેવાની શક્યતા દર્શાવવામાં આવી છે.

આગામી 7 દિવસ હવામાન સંપૂર્ણ સુકું રહેશે

હવામાન વિભાગના અનુમાન મુજબ આગામી 7 દિવસ દરમિયાન ગુજરાત, સૌરાષ્ટ્ર-કચ્છ તેમજ દીવ, દમણ અને દાદરા નગર હવેલીમાં હવામાન સંપૂર્ણપણે સુકું રહેશે. આગામી સપ્તાહ માટે કોઈ પણ પ્રકારની ગંભીર હવામાન ચેતવણી જાહેર કરવામાં આવી નથી.

હાલ ઉત્તર પાકિસ્તાન અને જમ્મુ-કાશ્મીર આસપાસ વેસ્ટર્ન ડિસ્ટર્બન્સ સક્રિય હોવાનું જણાવાયું છે, જેના કારણે રાજ્યમાં પશ્ચિમથી ઉત્તર-પશ્ચિમ દિશાના પવનો ફૂંકાઈ રહ્યા છે.

19મે, 2026 — મુખ્ય શહેરોનું મહત્તમ તાપમાન

શહેર	તાપમાન	શહેર	તાપમાન
રાજકોટ	43.6°C	સુરત	38.2°C
ગાંધીનગર	43.2°C	કંડલા	37.2°C
અમરેલી	43.1°C	નવસારી	35.2°C
અમદાવાદ	42.2°C	પોરબંદર	35.1°C
વડોદરા	42.0°C	જૂનાગઢ	34.0°C
ડીસા	41.6°C	દ્વારકા	33.0°C
સુરેન્દ્રનગર	41.4°C	ઓખા	34.4°C
ભૂજ	39.0°C	વેરાવળ	33.6°C
ભાવનગર	38.5°C	—	—

દરિયાકાંઠે તેજ પવનની શક્યતા

દરિયાકાંઠાના વિસ્તારોમાં પવનની ગતિ વધુ રહેવાની સંભાવના વ્યક્ત કરવામાં આવી છે. ઉત્તર ગુજરાતના દરિયાકાંઠે પશ્ચિમથી ઉત્તર-પશ્ચિમ દિશાનો અને દક્ષિણ ગુજરાતમાં દક્ષિણ-પશ્ચિમથી પશ્ચિમ દિશાનો પવન ફૂંકાશે.

હવામાન વિભાગના જણાવ્યા મુજબ, દરિયાકાંઠે પવનની ગતિ 28થી 37 કિલોમીટર પ્રતિ કલાક સુધી રહી શકે છે, જ્યારે કેટલાક સમયે તે વધીને 46 કિલોમીટર પ્રતિ કલાક સુધી પણ પહોંચી શકે છે.

કેરળમાં સમયસર ચોમાસું પહોંચવાની શક્યતા

નૈઋત્ય ચોમાસાની ગતિ પણ હવે તેજ બની રહી છે. આગામી 3થી 4 દિવસ દરમિયાન ચોમાસું દક્ષિણ-પૂર્વ અરબી સમુદ્ર, બંગાળની ખાડી અને અંદમાન સમુદ્રના બાકીના વિસ્તારો તરફ આગળ વધશે.

હવામાન વિભાગના અંદાજ પ્રમાણે, Keralaમાં ચોમાસું 26 મે 2026 આસપાસ પહોંચવાની શક્યતા છે. સામાન્ય રીતે કેરળમાં ચોમાસું 1 જૂને પ્રવેશ કરે છે, પરંતુ આ વર્ષે તે સમય પહેલાં જ આગમન કરી શકે છે.

ચોમાસું 5 દિવસ વહેલું કે મોડું પહોંચ્યું

નોંધ: તારીખ: કેરળમાં ચોમાસું પહોંચવાની તારીખ 1 જૂન છે.

વર્ષ	નક્કી સમયથી તફાવત	તારીખ
2009	9 દિવસ વહેલું	23 મે
2010	1 દિવસ વહેલું	31 મે
2011	3 દિવસ વહેલું	29 મે
2012	4 દિવસ મોડું	5 જૂન
2013	નિયત સમયે	1 જૂન
2014	5 દિવસ મોડું	6 જૂન
2015	4 દિવસ મોડું	5 જૂન
2016	7 દિવસ મોડું	8 જૂન
2017	2 દિવસ વહેલું	30 મે
2018	3 દિવસ વહેલું	29 મે
2019	7 દિવસ મોડું	8 જૂન
2020	નિયત સમયે	1 જૂન
2021	2 દિવસ મોડું	3 જૂન
2022	3 દિવસ વહેલું	29 મે
2023	7 દિવસ મોડું	8 જૂન
2024	2 દિવસ વહેલું	30 મે
2025	8 દિવસ વહેલું	24 મે

સંદર્ભ: IMD (ભારત હવામાન વિજ્ઞાન વિભાગ)

5 વર્ષના સૌથી ઊંચા તાપમાનના આંકડા

વર્ષ	સૌથી વધુ તાપમાન	શહેર	નોંધ
2026 (ચાલુ)	45.5°C	સુરેન્દ્રનગર	11 મે, 2026ના રોજ નોંધાયું આ સિઝનનું હાઈએસ્ટ તાપમાન
2025	46.8°C	સુરેન્દ્રનગર-અમદાવાદ	મે મહિનામાં કાળઝાળ ગરમી દરમિયાન નોંધાયેલું તાપમાન
2024	48.0°C	ડીસા-અમદાવાદ	મે 2024માં ‘રેડ એલર્ટ’ દરમિયાન અમદાવાદમાં પારો 48 ડિગ્રી નજીક પહોંચ્યો હતો
2023	46.1°C	અમરેલી-સુરેન્દ્રનગર	મે મહિનાના બીજા સપ્તાહમાં આ તાપમાન નોંધાયું હતું
2022	46.0°C	કંડલા-ગાંધીનગર	માર્ચ અને એપ્રિલમાં પડેલી શરૂઆતની ગરમીમાં પારો 46 ડિગ્રી પહોંચ્યો હતો