ગુજરાત સરકારે ગુજરાત ઈન્ટરનેશનલ ફાઈનાન્સ ટેક-સિટી (GIFT City)માં દારૂના સેવનના નિયમોમાં મોટો ફેરફાર કર્યો છે. અગાઉ રાજ્ય બહારના પ્રવાસીઓ અને વિદેશી નાગરિકોને ગિફ્ટ સિટીમાં દારૂ પીવા માટે તાત્કાલિક પરમિટ લેવી ફરજિયાત હતી, જે હવે હટાવવામાં આવી છે. હવે આવા પ્રવાસીઓ ફક્ત માન્ય ઓળખપત્ર (ID) બતાવી દારૂનો સેવન કરી શકશે.
મહેમાનો માટે ટેમ્પરરી પરમિટ: જો કોઈ મુલાકાતી મહેમાનોની યજમાની કરવા માંગે છે તો તેઓ ટેમ્પરરી પરમિટ લેવાના રહેશે અને સાથે કોઈ કર્મચારી હાજર રહેશે. પરમિટ વગર માત્ર ઓળખપત્ર સાથે જ ગાર્ડન એરિયા, પુલ સાઇડ અને ટેરેસ પર દારૂ પીવા મળશે.
નવા નિયમ મુજબ કોને દારૂ પીવાની પરમિટ મળશે:
| ક્ર. સં. | નિયમ/શરત | વિગત |
|---|---|---|
| 1 | કંપની/યુનિટ કર્મચારીઓ માટે | ગિફ્ટ સિટીમાં આવેલા કંપની/સંસ્થા/યુનિટમાં કામ કરતા કર્મચારીઓને Liquor Access Permit આપવામાં આવશે |
| 2 | ટેમ્પરરી પરમિટ | ગિફ્ટ સિટીમાં કામ કરતા કર્મચારીઓ પાસે મુલાકાતે આવતા મહેમાનો માટે ટેમ્પરરી પરમિટ મળશે. એક કર્મચારી સાથે મહત્તમ 25 મહેમાનો માટે ટેમ્પરરી પરમિટ આપી શકાય. |
| 3 | બહારના નાગરિકો/વિદેશી નાગરિકો | ગુજરાત બહારના નાગરિકો, વિદેશી નાગરિકો, અન્ય રાજ્યના નાગરિકો અને તેમના ફોટો ઓળખપત્ર ધરાવતા વિદેશી નાગરિકો માટે External Person તરીકે પરમિટ મેળવવાની મંજૂરી છે. |
| 4 | ઉમર મર્યાદા | તમામ માટે ઓછામાં ઓછું 21 વર્ષ ફરજિયાત છે. |
છૂટછાટ માત્ર ગિફ્ટ સિટી માટે: સરકાર સ્પષ્ટ કરી છે કે આ નિયમ માત્ર ગિફ્ટ સિટીના સીમિત વિસ્તારમાં જ લાગુ પડશે. અહીંથી દારૂના બોટલ કે જથ્થા અન્ય વિસ્તાર અથવા શહેરની બહાર લઈ જઈ શકશે નહીં. નિયમનો ઉલ્લંઘન કરનાર સામે ગુજરાતના દારૂબંધી કાયદા મુજબ કડક કાર્યવાહી થશે.
પરમિટ મેળવવા શું કરવું પડશે?
| ક્ર. સં. | પરમિટ પ્રકાર | પ્રક્રિયા/વિગત |
|---|---|---|
| 1 | ગિફ્ટ સિટીના કર્મચારીઓ માટે | કર્મચારીએ Form A-1 ભરવું પડશે. આ ફોર્મ કંપનીના ઓથોરાઈઝ્ડ પર્સન પાસે જમા કરાવવાનું રહેશે. ID તપાસ બાદ Liquor Access Permit કાર્ડ આપવામાં આવશે. |
| 2 | મુલાકાતીઓ માટે (Temporary Permit) | Liquor Access Permit ધરાવતાં કર્મચારી Form A-2 ભરીને મુલાકાતીઓ માટે ટેમ્પરરી પરમિટ મેળવશે. મહત્તમ 25 મુલાકાતીઓ માટે ટેમ્પરરી પરમિટ મળે છે. કર્મચારીએ પોતાના મુલાકાતીઓ સાથે રહેવું ફરજિયાત રહેશે. |
| 3 | એક્સટર્નલ પર્સન માટે | માન્ય ફોટો ઓળખપત્ર (આધાર/અન્ય રાજ્ય ID/પાસપોર્ટ) બતાવવા ફરજિયાત રહેશે. અન્ય જરૂરી કરવાનું જરૂર નથી, અને પરમિટ હેડના જ સેવા મળશે. |
વૈશ્વિક બિઝનેસ માટે મહત્વ: નિષ્ણાતોના મતે, ગિફ્ટ સિટીને દુબઈ અને સિંગાપોર જેવી વૈશ્વિક નાણાકીય હબ સાથે સ્પર્ધા માટે આ પ્રકારની નીતિગત છૂટછાટ જરૂરી હતી. આથી કોર્પોરેટ ઈવેન્ટ્સ, કોન્ફરન્સ અને હોટેલિંગ સેક્ટર માટે નવું પ્રોત્સાહન મળશે.
અમદાવાદમાં પણ છૂટછાટનો વિચાર: સરકાર સૂત્રો અનુસાર, વર્ષ 2030માં કોમનવેલ્થ ગેમ્સ પહેલાં શરાબ સેવન માટેની છૂટ અમદાવાદ શહેરમાં પણ આપવામાં આવી શકે છે. આંતરરાષ્ટ્રીય મહેમાનો, રમતવીરો અને સ્ટાફ માટે સુવિધા આપવા આ નિર્ણય શક્ય છે.
આ નિર્ણયથી ગિફ્ટ સિટી વધુ આકર્ષક, સુવિધાસંપન્ન અને વૈશ્વિક સ્તરે સ્પર્ધાત્મક બની જશે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
Leave feedback about this