દિલ્હી બ્લાસ્ટ કાંડ: ડૉક્ટર અને મૌલવીની સ્લીપર સેલમાં ચોંકાવનારી ભૂમિકા, તપાસમાં ખુલ્યા મોટાં ભેદ!

દિલ્હી લાલ કિલ્લા વિસ્ફોટ કેસની તપાસ હવે આશ્ચર્યજનક દિશામાં આગળ વધી રહી છે. ફરીદાબાદના ડોકટરોથી લઈને કાશ્મીરના મૌલવીઓ સુધી, NIA મેડિકલ કોલેજોની આડમાં કટ્ટરપંથી વિચારધારા ફેલાવવાના શંકાસ્પદ નેટવર્કને નિશાન બનાવી રહી છે. ડોક્ટરના લોકરમાંથી AK-47 મળી આવ્યા બાદ, તપાસ એજન્સીઓએ અલ-ફલાહ યુનિવર્સિટી સહિત અનેક સંસ્થાઓમાં તેમની તપાસ તીવ્ર બનાવી દીધી છે. તપાસમાં અત્યાર સુધી શું થયું છે તે જાણો.

દિલ્હી વિસ્ફોટોની તપાસમાં ઘણા ચોંકાવનારા તથ્યો બહાર આવી રહ્યા છે. જ્યારે NIA ટીમે મેડિકલ કોલેજો અને હોસ્પિટલોમાં દરોડા પાડ્યા ત્યારે જાણવા મળ્યું કે કેટલાક ડોકટરો અને ભૂતપૂર્વ મૌલવીઓ સ્લીપર સેલ નેટવર્ક ચલાવી રહ્યા હતા. ડોકટરના લોકરમાંથી મળેલી AK-47 અને કાશ્મીર કનેક્શને તપાસ એજન્સીઓની રાતોની ઊંઘ હરામ કરી દીધી છે. તો જાણો તાપસ માં શું આવ્યું છે અત્યાર સુધીમાં.

તપાસ NIA ને સોંપવામાં આવી:
લાલ કિલ્લા વિસ્ફોટની તપાસ હવે રાષ્ટ્રીય તપાસ એજન્સી (NIA) ને સોંપવામાં આવી છે.

વધુ ત્રણ ડોક્ટરોની પૂછપરછ:
ફરીદાબાદ પોલીસ ક્રાઈમ બ્રાન્ચ દિલ્હી બોમ્બ વિસ્ફોટો અને તેમની સાથે સંકળાયેલી ધરપકડોના સંબંધમાં અલ-ફલાહ યુનિવર્સિટીના વધુ ત્રણ ડોક્ટરોની પૂછપરછ કરી રહી છે.

જમ્મુ અને કાશ્મીરની હોસ્પિટલોને પરિપત્ર જારી: 
જીએમસી અનંતનાગમાં એક ડોક્ટરના લોકરમાંથી એકે રાઇફલ મળી આવ્યા બાદ, જમ્મુ અને કાશ્મીરની તમામ હોસ્પિટલો અને મેડિકલ કોલેજોને સુરક્ષા સંબંધિત પરિપત્ર જારી કરવામાં આવ્યો છે

સૂત્રોનો દાવો છે કે: મૌલવી ઇરફાને વિદ્યાર્થીઓનું મગજ ધોવાનું કામ કર્યું હતું. 
તપાસમાં જાણવા મળ્યું છે કે મૌલવી ઇરફાન, જે અગાઉ GMC શ્રીનગરમાં પેરામેડિકલ સ્ટાફ સભ્ય અને ઇમામ હતો, તેણે મેડિકલ વિદ્યાર્થીઓને કટ્ટરપંથી બનાવવામાં મુખ્ય ભૂમિકા ભજવી હતી. ત્રણેય શંકાસ્પદોના જૈશ-એ-મોહમ્મદ સાથે વૈચારિક સંબંધો હોવાનું કહેવાય છે. આ ત્રણેયે મળીને ફરીદાબાદ-દિલ્હી મોડ્યુલનો પાયો નાખ્યો હતો.

વિસ્ફોટમાં વપરાયેલી કારની વિગતો 
વિસ્ફોટમાં વપરાયેલી i20 કાર નવા માલિકે 29 ઓક્ટોબરના રોજ ખરીદી હતી. PUC (પ્રદૂષણ પ્રમાણપત્ર) પણ 29 ઓક્ટોબરના રોજ અપડેટ કરવામાં આવ્યું હતું.

ડૉ. સજ્જાદ અહેમદની અટકાયત: 
જમ્મુ અને કાશ્મીર પોલીસે ડૉ. સજ્જાદ અહેમદની અટકાયત કરી છે અને ઘટના અંગે તેમની પૂછપરછ કરી રહી છે. 

મૃત્યુઆંક વધીને 12 થયો છે. 
સૂત્રોના જણાવ્યા અનુસાર, વિસ્ફોટમાં અત્યાર સુધીમાં 10 લોકોના મોત થયા છે અને 25 ઘાયલોની LNJP હોસ્પિટલમાં સારવાર ચાલી રહી છે.

વિસ્ફોટ બાદ, દેશભરના રેલ્વે સ્ટેશનો પર હાઇ એલર્ટ જાહેર કરવામાં આવ્યું છે. રેલ્વે પ્રોટેક્શન ફોર્સ (RPF) ને એલર્ટ પર રાખવામાં આવ્યું છે અને રાજ્ય રેલ્વે પોલીસ (GRP) સાથે મળીને તોડફોડ વિરોધી તપાસ કરી રહી છે.

ગૃહ 
મંત્રાલય અને તપાસ એજન્સીઓના વરિષ્ઠ અધિકારીઓની એક મહત્વપૂર્ણ બેઠક બપોરે 3 વાગ્યે બોલાવવામાં આવી છે. આ લખાય છે ત્યારે બેઠક ચાલુ છે. 

અમર કટારિયાની ઓળખ: 
લાલ કિલ્લા વિસ્ફોટ કેસમાં એક મૃતદેહની ઓળખ ટેટૂ દ્વારા કરવામાં આવી છે. તે વ્યક્તિના શરીર પર “મમ્મી,” “પપ્પા,” અને “કૃતિ” લખેલા ટેટૂ મળી આવ્યા હતા, જેનાથી તે અમર કટારિયા તરીકે ઓળખાઈ ગયો.