CBSE ધોરણ 12નું પરિણામ જાહેર: 85.20% વિદ્યાર્થીઓ પાસ, ગયા વર્ષ કરતાં 3% ઘટાડો

Central Board of Secondary Education એ ધોરણ 12નું પરિણામ જાહેર કર્યું છે. આ વર્ષે કુલ 85.20% વિદ્યાર્થીઓ પાસ થયા છે, જે ગયા વર્ષની સરખામણીએ લગભગ 3% ઓછું છે. વિદ્યાર્થીઓ હવે પોતાનું પરિણામ સત્તાવાર વેબસાઇટ, DigiLocker, UMANG એપ અને SMS દ્વારા પણ ચેક કરી શકે છે.

બોર્ડ દ્વારા આ વર્ષે ઉત્તરવહીઓની તપાસ માટે ઓન-સ્ક્રીન માર્કિંગ સિસ્ટમનો ઉપયોગ કરવામાં આવ્યો હતો. વિદ્યાર્થીઓ પોતાના પરિણામો CBSE Official Website પર જોઈ શકે છે.

ઓનલાઈન માર્કશીટ રહેશે પ્રોવિઝનલ

CBSE દ્વારા ઓનલાઈન જાહેર કરાયેલા સ્કોરકાર્ડ પ્રોવિઝનલ રહેશે. વિદ્યાર્થીઓએ તેમની મૂળ માર્કશીટ પોતાની સ્કૂલમાંથી મેળવવાની રહેશે.

બોર્ડે સ્પષ્ટ કર્યું છે કે આ વર્ષે પણ કોઈ મેરિટ લિસ્ટ જાહેર કરવામાં આવશે નહીં અને કોઈ વિદ્યાર્થીને ટોપર તરીકે જાહેર કરાશે નહીં. સાથે જ તમામ સ્કૂલોને પણ સૂચના આપવામાં આવી છે કે તેઓ કોઈ વિદ્યાર્થીને સ્કૂલ અથવા જિલ્લા ટોપર તરીકે જાહેર ન કરે.

APAAR ID વગર શું કરવું?

જે વિદ્યાર્થીઓનું APAAR ID CBSE સાથે લિંક છે તેઓને પરિણામ જાહેર થયા બાદ DigiLocker ના “Issued Documents” વિભાગમાં સીધી માર્કશીટ મળી જશે.

જો કોઈ વિદ્યાર્થી પાસે APAAR ID ન હોય તો તેમને પહેલા પોતાનું એકાઉન્ટ બનાવવું પડશે.

છોકરીઓ ફરી આગળ, ટ્રાન્સજેન્ડર વિદ્યાર્થીઓનું 100% પરિણામ

આ વર્ષે છોકરીઓએ ફરી એકવાર છોકરાઓ કરતાં વધુ સારું પ્રદર્શન કર્યું છે.

• છોકરીઓનું પરિણામ: 88.86%
• છોકરાઓનું પરિણામ: 82.23%
• તફાવત: 6.73%
• ટ્રાન્સજેન્ડર વિદ્યાર્થીઓનું પરિણામ: 100%

ત્રિવેન્દ્રમ ફરી ટોચ પર, પ્રયાગરાજ સૌથી પાછળ

દેશમાં સૌથી વધુ પરિણામ ત્રિવેન્દ્રમ ક્ષેત્રનું નોંધાયું છે.

• ત્રિવેન્દ્રમ: 95.62%
• પ્રયાગરાજ: 72.43%

ગયા વર્ષે પણ ત્રિવેન્દ્રમ સૌથી આગળ અને પ્રયાગરાજ સૌથી પાછળ રહ્યું હતું.

અહીંથી ચેક કરો CBSE 12મું પરિણામ

વિદ્યાર્થીઓ નીચેની વેબસાઇટ અને એપ દ્વારા પરિણામ ચેક કરી શકે છે:

• CBSE Results Portal
• DigiLocker
• UMANG Portal

પરિણામ જોવા માટે જરૂરી વિગતો

વિદ્યાર્થીઓને પરિણામ જોવા માટે નીચેની વિગતો જરૂરી રહેશે:

• રોલ નંબર
• સ્કૂલ નંબર
• એડમિટ કાર્ડ ID અથવા સેન્ટર નંબર
• જન્મ તારીખ
• સિક્યોરિટી કોડ (Captcha)

SMS દ્વારા કેવી રીતે પરિણામ ચેક કરશો?

જો વિદ્યાર્થીઓ પાસે ઇન્ટરનેટ ન હોય અથવા સર્વર ડાઉન હોય તો તેઓ SMS દ્વારા પણ પરિણામ મેળવી શકે છે.

પદ્ધતિ:

1. મોબાઇલમાં મેસેજ બોક્સ ખોલો
2. ટાઈપ કરો:
   CBSE12 <રોલ નંબર>
3. તેને 7738299899 પર મોકલો
4. થોડા જ સેકન્ડમાં પરિણામ ઇનબોક્સમાં આવી જશે

DigiLocker પરથી માર્કશીટ કેવી રીતે ડાઉનલોડ કરશો?

1. DigiLocker એપ ડાઉનલોડ કરો અથવા વેબસાઇટ ખોલો
2. મોબાઇલ નંબર અથવા આધારથી લોગિન કરો
3. “Education” વિભાગમાં જઈ CBSE પસંદ કરો
4. “Class XII Marksheet 2026” પર ક્લિક કરો
5. રોલ નંબર અને જરૂરી માહિતી દાખલ કરો
6. “Get Document” પર ક્લિક કરો
7. માર્કશીટ સ્ક્રીન પર દેખાશે, જેને ડાઉનલોડ અથવા સેવ કરી શકાશે

પાસ થવા માટે કેટલા ગુણ જરૂરી?

CBSE 12મું ધોરણ પાસ કરવા માટે વિદ્યાર્થીઓએ કુલ ગુણ સાથે દરેક વિષયમાં ઓછામાં ઓછા 33% ગુણ મેળવવા ફરજિયાત છે.

• એક વિષયમાં નાપાસ વિદ્યાર્થીઓને કમ્પાર્ટમેન્ટ પરીક્ષા આપવાની તક મળશે
• બે અથવા વધુ વિષયમાં નાપાસ વિદ્યાર્થીઓએ ફરીથી 12મું ધોરણ આપવું પડશે

ગયા વર્ષની સરખામણીએ ઘટાડો

2025માં CBSE ધોરણ 12નું પરિણામ 88.39% રહ્યું હતું, જ્યારે આ વર્ષે તે ઘટીને 85.20% થયું છે. જોકે, છોકરીઓનું પ્રદર્શન સતત મજબૂત રહ્યું છે.