Royal Enfield Hunter 350નું નવું વેરિઅન્ટ લોન્ચ: 36.2kmpl માઇલેજ, કિંમત ₹1.50 લાખ

Royal Enfield Hunter 350નું નવું બેઝ પ્રીમિયમ વેરિઅન્ટ 4 એપ્રિલે લોન્ચ કરવામાં આવ્યું છે, જે એન્ટ્રી લેવલ રેટ્રો સ્ટાઈલ બાઈક સેગમેન્ટમાં ગ્રાહકો માટે વધુ આકર્ષક વિકલ્પ તરીકે આવ્યું છે. કંપનીએ તેની એક્સ-શોરૂમ કિંમત ₹1,49,900 રાખી છે અને ARAI અનુસાર આ બાઈક 36.2kmplનું માઇલેજ આપે છે.

વેરિઅન્ટ અને ડિઝાઇન

નવું મોડેલ ‘હન્ટર’ લાઇનઅપમાં ‘ફેક્ટરી બ્લેક’ વેરિઅન્ટથી ઉપર સ્થાન પામે છે. ખાસ વાત એ છે કે ઓછી કિંમત હોવા છતાં તેમાં સ્પોક વ્હીલ્સને બદલે ટ્યુબલેસ ટાયર સાથે કાસ્ટ એલોય વ્હીલ્સ આપવામાં આવ્યા છે.
ડિઝાઇનની વાત કરીએ તો બાઈક ‘ટારમેક બ્લેક’ ગ્લોસ પેઇન્ટ સ્કીમમાં આવે છે, જેમાં મિનિમલ બ્રાન્ડિંગ તેને ક્લીન અને ક્લાસી લુક આપે છે.

કંપનીએ ટોપ વેરિઅન્ટ માટે બે નવા કલર વિકલ્પો ‘મુંબઈ યલો’ અને ‘મૂનશોટ વ્હાઇટ’ પણ રજૂ કર્યા છે. હવે હન્ટર 350 કુલ 10 કલર વિકલ્પોમાં ઉપલબ્ધ છે. ભારતમાં તેનો મુકાબલો TVS Ronin, Honda CB350, Jawa 42 અને Yezdi Roadster જેવી બાઇક્સ સાથે છે.

ફીચર્સ

બેઝ પ્રીમિયમ વેરિઅન્ટમાં ફીચર્સમાં કોઈ કપાત કરવામાં આવી નથી. તેમાં રોટરી સ્વીચગિયર, નવું ડિજિટલ-એનાલોગ ઇન્સ્ટ્રુમેન્ટ ક્લસ્ટર અને સ્લિપ-એન્ડ-અસિસ્ટ ક્લચ જેવી સુવિધાઓ આપવામાં આવી છે.
સુરક્ષા માટે ફ્રન્ટમાં ડિસ્ક બ્રેક, રિયરમાં ડ્રમ બ્રેક અને સિંગલ-ચેનલ ABS આપવામાં આવ્યું છે. હેડલાઇટ તરીકે અપડેટેડ રાઉન્ડ હેલોજન લેમ્પ આપવામાં આવ્યો છે, પરંતુ ટ્રિપર નેવિગેશન ઉપલબ્ધ નથી.
સાથે જ USB ચાર્જિંગ પોર્ટ જેવી સુવિધા પણ આપવામાં આવી છે.

હાર્ડવેર અને ડાયમેન્શન

2025 હન્ટર 350માં 1370mmનો વ્હીલબેઝ છે અને તેનું વજન 181 કિલોગ્રામ છે, જે તેને હળવી અને હેન્ડલિંગમાં સરળ બનાવે છે.
બાઈકમાં 13-લિટરની ફ્યુઅલ ટાંકી અને 800mm સીટ હાઇટ આપવામાં આવી છે.
સસ્પેન્શન માટે ફ્રન્ટમાં 41mm ટેલિસ્કોપિક ફોર્ક અને રિયરમાં શોક એબ્સોર્બર આપવામાં આવ્યા છે. બ્રેકિંગ માટે ફ્રન્ટમાં 300mm ડિસ્ક અને રિયરમાં 240mm ડિસ્ક સાથે ABS સિસ્ટમ આપવામાં આવી છે.

એન્જિન અને પર્ફોર્મન્સ

બાઈકમાં 349ccનું સિંગલ-સિલિન્ડર એર/ઓઇલ-કૂલ્ડ એન્જિન આપવામાં આવ્યું છે, જે OBD2B ટેકનોલોજી સાથે આવે છે અને E20 પેટ્રોલ પર પણ ચાલી શકે છે.
આ એન્જિન 20.2hp પાવર અને 27Nm ટોર્ક જનરેટ કરે છે અને 5-સ્પીડ ગિયરબોક્સ સાથે જોડાયેલ છે.

કંપનીના દાવા મુજબ બાઈકની ટોપ સ્પીડ 114kmph છે અને માઇલેજ 36.2kmpl છે. રિયલ વર્લ્ડ ટેસ્ટમાં શહેરમાં 40.19kmpl અને હાઇવે પર 35.98kmpl સુધીનું માઇલેજ આપે છે.

નવી હન્ટર 350 બાઈક સ્ટાઇલ, પરફોર્મન્સ અને કિફાયતી કિંમતનો સારો સમન્વય આપે છે. ખાસ કરીને કાસ્ટ એલોય વ્હીલ્સ અને ટ્યુબલેસ ટાયર જેવી સુવિધાઓ તેને એન્ટ્રી લેવલ સેગમેન્ટમાં વધુ વેલ્યુ-ફોર-મની બનાવે છે.