રોમમાં મોદી-મેલોનીની ખાસ મુલાકાત: સાથે ડિનર, કોલોસિયમ ટૂર અને ‘માય ફ્રેન્ડ’થી સ્વાગત; જુઓ PHOTOs

વડાપ્રધાન Narendra Modi બુધવારે ઇટાલીની રાજધાની Rome પહોંચ્યા હતા. રોમ પહોંચ્યા બાદ PM મોદીએ ઇટાલીના વડાપ્રધાન Giorgia Meloni સાથે ખાસ મુલાકાત કરી હતી. બંને નેતાઓએ સાથે ડિનર લીધું, એક જ કારમાં સફર કરી અને રોમના ઐતિહાસિક Colosseumની મુલાકાત પણ લીધી હતી.

PM મોદીએ સોશિયલ મીડિયા પ્લેટફોર્મ X પર પોસ્ટ કરીને જણાવ્યું કે, રોમ પહોંચ્યા બાદ તેમની અને મેલોની વચ્ચે અનેક મહત્વના મુદ્દાઓ પર ચર્ચા થઈ હતી. બીજી તરફ PM મેલોનીએ મોદી સાથેની તસવીર શેર કરીને લખ્યું, “Welcome to Rome, my friend!”

બંને નેતાઓ વચ્ચે આજે યોજાનારી ઔપચારિક બેઠકમાં ભારત અને ઇટાલી વચ્ચેના સંબંધોને વધુ મજબૂત બનાવવા પર ચર્ચા થવાની છે. વેપાર, રોકાણ, એડવાન્સ ટેક્નોલોજી, ગ્રીન એનર્જી અને વૈશ્વિક સુરક્ષા જેવા મુદ્દાઓ બેઠકના કેન્દ્રમાં રહેશે.

કોલોસિયમ ટૂર અને ખાસ બોન્ડિંગ ચર્ચામાં

મોદી અને મેલોનીએ રોમના ઐતિહાસિક કોલોસિયમની સાથે મુલાકાત લીધી હતી. બંને નેતાઓની તસવીરો સોશિયલ મીડિયા પર ઝડપથી વાયરલ થઈ રહી છે. ડિનર મીટિંગ દરમિયાન મિડલ-ઈસ્ટ તણાવ, રશિયા-યુક્રેન યુદ્ધ, ઇન્ડો-પેસિફિક સુરક્ષા અને ગ્લોબલ સપ્લાય ચેઇન જેવા આંતરરાષ્ટ્રીય મુદ્દાઓ પર ચર્ચા થઈ હોવાનું માનવામાં આવે છે.

એક જ કારમાં બંને નેતાઓની સફર અને અનૌપચારિક મુલાકાતે ભારત-ઇટાલી સંબંધોમાં વધતી નજીકીને વધુ મજબૂત સંદેશ આપ્યો છે.

‘સ્પેશિયલ સ્ટ્રેટેજિક પાર્ટનરશીપ’ પર ચર્ચા શક્ય

મીડિયા રિપોર્ટ્સ મુજબ, ભારત અને ઇટાલી પોતાના દ્વિપક્ષીય સંબંધોને ‘સ્પેશિયલ સ્ટ્રેટેજિક પાર્ટનરશીપ’નો દરજ્જો આપવા અંગે વિચાર કરી રહ્યા છે. આગામી સમયમાં બંને દેશો વાર્ષિક ઉચ્ચસ્તરીય બેઠકો શરૂ કરવા પર પણ ચર્ચા કરી શકે છે.

હાલમાં ભારત અને ઇટાલી વચ્ચેનો વેપાર 14 અબજ યુરોથી વધુનો છે. બંને દેશો મેન્યુફેક્ચરિંગ, ઓટોમોબાઈલ, ફાર્મા, સંરક્ષણ, મશીનરી અને ગ્રીન એનર્જી ક્ષેત્રમાં રોકાણ વધારવા માટે પ્રયાસ કરી રહ્યા છે.

ઇટાલીના ઉદ્યોગપતિઓ સાથે પણ બેઠક

PM મોદી તેમના પ્રવાસ દરમિયાન ઇટાલીના મોટા ઉદ્યોગપતિઓ અને વેપારી નેતાઓ સાથે પણ મુલાકાત કરશે. આ બેઠકમાં ભારતમાં રોકાણ, નવી ઔદ્યોગિક ભાગીદારી અને ટેક્નોલોજી સહકાર અંગે ચર્ચા થવાની સંભાવના છે.

મોદી ઇટાલીના રાષ્ટ્રપતિ Sergio Mattarella સાથે પણ મુલાકાત કરશે.

2024માં G-7 સમિટ માટે ગયા હતા ઇટાલી

PM મોદી છેલ્લે જૂન 2024માં ઇટાલી ગયા હતા, જ્યાં તેમણે G7 Summit 2024માં ભાગ લીધો હતો. આ વખતનો ઇટાલી પ્રવાસ તેમના બહુદેશીય વિદેશ પ્રવાસનો અંતિમ પડાવ છે. UAE, નેધરલેન્ડ, સ્વીડન અને નોર્વેની મુલાકાત બાદ તેઓ ઇટાલી પહોંચ્યા છે.