વિશ્વના સૌથી શક્તિશાળી દેશોની યાદીમાં ભારતનો ધમાકો: ટોચના 3માં પહોંચ્યું, પાકિસ્તાન ચોંકી ગયું!

ઓસ્ટ્રેલિયાના લોવી ઇન્સ્ટિટ્યૂટનો એશિયા પાવર ઇન્ડેક્સ 2025 જાહેર: ભારત ટોચના 3માં, પાકિસ્તાન ટોપ 10માંથી બહાર

ઓસ્ટ્રેલિયાના પ્રખ્યાત લોવી ઇન્સ્ટિટ્યૂટે એશિયા પાવર ઇન્ડેક્સ 2025 જાહેર કર્યો છે, જેમાં 27 દેશોની સૈન્ય, આર્થિક, રાજદ્વારી, સાંસ્કૃતિક અને વ્યૂહાત્મક પ્રભાવના આધારે રેન્કિંગ આપવામાં આવ્યું છે. આ અહેવાલ એશિયાઈ ભૂખંડની પ્રાદેશિક શક્તિમાં મોટા ફેરફારોને ઉજાગર કરે છે—જેમા ભારતનો ઉદય અને અમેરિકા-ચીન વચ્ચે વધી રહેલા અંતર ખાસ ચર્ચામાં રહ્યા.

એશિયામાં ભારતનો મોટો ઉછાળો – ‘મેજર પાવર’ તરીકે ટોચના 3માં સ્થાન

આ અહેવાલ મુજબ ભારત હવે એશિયાની ટોચની ત્રણ શક્તિઓમાં સ્થાન મેળવનાર દેશ બની ગયું છે. લોવી ઇન્સ્ટિટ્યૂટના રિપોર્ટ મુજબ—

“ભારતની ક્ષમતા, પ્રભાવ અને સંસાધનોમાં ઝડપી વધારો તેને 2025 માં ‘મેજર પાવર’ના દરજ્જા સુધી પહોંચાડે છે.”

ભારતે 40.0 પોઈન્ટ સાથે ત્રીજુ સ્થાન મેળવ્યું છે, જે તેના લશ્કરી અને સંસાધન શક્તિમાં થયેલા મોટા વૃદ્ધિનું પ્રતિબિંબ છે.

અહેવાલમાં, જોકે, એવું પણ જણાવાયું છે કે ભારતની વધતી સૈન્ય ક્ષમતા અને સંસાધનોની તુલનામાં તેની રાજદ્વારી અને આર્થિક અસર હજી સંપૂર્ણ રીતે મેળ ખાતી નથી, જે ભારત માટે આગળ વિશાળ વૃદ્ધિની સંભાવના દર્શાવે છે.

એશિયા પાવર ઇન્ડેક્સ 2025 — ટોચના 10 દેશો

1. યુનાઇટેડ સ્ટેટ્સ – 80.5 (સુપરપાવર)
2. ચીન – 73.7 (સુપરપાવર)
3. ભારત – 40.0 (મેજર પાવર)
4. જાપાન – 38.8 (મિડલ પાવર)
5. રશિયા – 32.1 (મિડલ પાવર)
6. ઓસ્ટ્રેલિયા – 31.8 (મિડલ પાવર)
7. દક્ષિણ કોરિયા – 31.5 (મિડલ પાવર)
8. સિંગાપોર – 26.8 (મિડલ પાવર)
9. ઇન્ડોનેશિયા – 22.5 (મિડલ પાવર)
10. મલેશિયા – 20.6 (મિડલ પાવર)

– પાકિસ્તાનને મોટો ઝટકો: દેશ ટોપ-10માંથી બહાર—16મા સ્થાને ખસક્યો.

રશિયાની વાપસી

2019 પછી પહેલી વાર, રશિયાએ એશિયામાં પોતાનું સ્થાન મજબૂત બનાવ્યું છે. યુક્રેન યુદ્ધ પછી લાગેલા પ્રતિબંધો વચ્ચે ચીન અને ઉત્તર કોરિયા સાથેની વ્યૂહાત્મક ભાગીદારી તેના માટે ગેમચેન્જર સાબિત થઈ છે. 2024 માં ઓસ્ટ્રેલિયા સામે ગુમાવેલો સ્થાન રશિયાએ ફરી હાંસલ કર્યો છે.

અમેરિકાનો પ્રભાવ ઘટ્યો, ચીન નજીક

સુપરપાવર કેટેગરીમાં ફક્ત અમેરિકા અને ચીન જ છે—
પરંતુ અહેવાલ અનુસાર:

• અમેરિકાનો સ્કોર 2018 બાદ સૌથી ઓછો
• ટ્રમ્પ કાર્યકાળ દરમ્યાન લેવાયેલા નીતિગત નિર્ણયોને ‘નેગેટિવ ઇમ્પેક્ટ’ તરીકે ગણાવાયા
• ચીને યુએસ સાથેનું અંતર ઇતિહાસમાં સૌથી ઓછું કર્યું

એશિયાઈ ક્ષેત્રમાં બદલાતા શક્તિ સંતુલનનો સંકેત

આ રિપોર્ટ એશિયામાં ઊભરી રહેલી નવી શક્તિસંતુલનની સ્પષ્ટ ઝાંખી આપે છે—

• ભારતનો ઉદય
• રશિયાનો વળતો પ્રભાવ
• અમેરિકાનો ધીમો ઘટાડો
• ચીનની સતત ચડતી

અને સૌથી મહત્વની બાબત—
એશિયાની આગેવાનીમાં ભારતની ભૂમિકા હવે વધુ મજબૂત થાય તેવી શક્યતા.