કોલ ઇન્ડિયાની સહાયક કંપની BCCL લાવી રહી છે પહેલો IPO: ઓછામાં ઓછું ₹13,800 રોકાણ જરૂરી

કોલ ઇન્ડિયાની સહાયક કંપની ભારત કોકિંગ કોલ લિમિટેડ (BCCL) પોતાનો પહેલો IPO જાહેર કરી રહી છે. કંપનીએ આ IPO માટે ₹21 થી ₹23 પ્રતિ શેરનો પ્રાઇસ બેન્ડ નક્કી કર્યો છે. આ ઇશ્યૂ 9 જાન્યુઆરી 2026 ના રોજ ખુલશે અને 13 જાન્યુઆરી 2026ના રોજ બંધ થશે.

BCCL એક સરકારી કંપની છે અને ભારતમાં સ્ટીલ બનાવવા માટે જરૂરી કોકિંગ કોલસામાં નંબર-1 સ્થાન ધરાવે છે. 2014માં કંપનીને મિનિ રત્ન નો દરજ્જો મળ્યો છે. આ IPO દ્વારા પ્રમોટર કોલ ઇન્ડિયા લિમિટેડ પોતાની હિસ્સેદારી કંપનીમાં વેચી રહ્યા છે.

રોકાણકારો માટે મહત્વની માહિતી:

• લોટ સાઇઝ: ઓછામાં ઓછા 600 શેર
• મિનિમમ રોકાણ: ₹23 પ્રતિ શેરના આધાર પર ₹13,800
• એન્કર રોકાણકારો માટે બિડિંગ: 8 જાન્યુઆરીથી
• IPO બંધ થવાની તારીખ: 13 જાન્યુઆરી 2026
• કર્મચારીઓને ડિસ્કાઉન્ટ: ₹1 પ્રતિ શેર
• પ્રકાર: સંપૂર્ણપણે ઓફર ફોર સેલ, એટલે કે IPOમાંથી મળેલા બધા પૈસા પ્રમોટર કોલ ઇન્ડિયા ને જશે.

અરજી કરવાની રીત:
જેમના પાસે ડિમેટ એકાઉન્ટ છે (ઝીરોધા, ગ્રો વગેરે), તેઓ ફોનપે, ગૂગલ-પે કે પેટીએમ મારફતે સરળતાથી અરજ કરી શકે છે. એપમાં જઇને BCCL IPO સર્ચ કરવું, વિગતો ભરવી અને UPI ID દાખલ કરીને પેમેન્ટ મંજૂર કરવી.

કંપનીની વિગત અને જોખમો:

• આ IPOમાં નવા પૈસા કંપનીને નહીં મળે, તે તમામ(promoter) કોલ ઇન્ડિયા પાસે જશે.
• સરકારી કંપની હોવા છતાં નફામાં ફેરફાર સરકારી નીતિઓ અને વૈશ્વિક કોકિંગ કોલસાની કિંમતો પર આધાર રાખશે.
• નાણાકીય વર્ષ 2025 મુજબ, BCCLનો ઘરેલું કોકિંગ કોલ્સા ઉત્પાદનમાં હિસ્સો 58.50% છે.
• કંપની પાસે આશરે 7,910 મિલિયન ટન કોલસાનો ભંડાર છે.
• 2021થી કંપની હેવી અર્થ મૂવિંગ મશીનરી (HEMM) નો ઉપયોગ વધારી રહી છે, હાલમાં 34 ખાણોનું સંચાલન કરી રહી છે.
• BCCLના ખાણો ઝરિયા અને રાણીગંજ કોલફિલ્ડના 288.31 ચોરસ કિલોમીટર વિસ્તારમાં ફેલાયેલાં છે.

BCCL અને કોકિંગ કોલસો વિશે:
સામાન્ય કોલસો (નોન-કોકિંગ) વીજળી બનાવવા માટે વપરાય છે, જ્યારે કોકિંગ કોલસો સ્ટીલ ભઠ્ઠીઓમાં ઉપયોગ થાય છે. ભારત કોકિંગ કોલસોની જરૂરિયાત માટે ઘણું આયાત કરે છે, એટલા માટે સ્થાનિક કંપની BCCLનું મહત્વ વધી જાય છે. સ્ટીલ અને પાવર સેક્ટર માટે કોકિંગ કોલસાની ભૂમિકા આ કંપનીને અર્થતંત્રમાં મહત્વપૂર્ણ બનાવે છે.

આ IPO એ રોકાણકારોને ઓછા રિસ્કમાં શેરબજારમાં ભાગીદારી લેવા એક તક આપી શકે છે, ખાસ કરીને સરકારી કંપની હોવાના કારણસર પરંપરાગત ભરોસાપાત્રતા સાથે.