આમિર ખાને અશ્નીર ગ્રોવરની બાયોપિક છોડી: ક્રિએટિવ ડિફરન્સ બાદ પ્રોજેક્ટમાંથી બહાર, શ્રદ્ધા કપૂર નવા યંગ એક્ટર સાથે ફિલ્મ બનાવશે

બોલિવૂડ એક્ટર આમિર ખાન ‘ભારતપે’ના પૂર્વ કો-ફાઉન્ડર અને બિઝનેસમેન અશ્નીર ગ્રોવરની બાયોપિકમાંથી બહાર થઈ ગયો છે. મીડિયા રિપોર્ટ્સ અનુસાર, ફિલ્મના ડિરેક્ટર રાહુલ મોદી સાથે સર્જનાત્મક મતભેદો થયા બાદ આમિરે આ પ્રોજેક્ટ છોડવાનો નિર્ણય લીધો છે.

અગાઉ એવા અહેવાલો હતા કે આમિર ખાન આ ફિલ્મમાં અશ્નીર ગ્રોવરની ભૂમિકા ભજવશે, જ્યારે શ્રદ્ધા કપૂર ફિલ્મમાં મુખ્ય ભૂમિકામાં જોવા મળશે. જોકે, આમિરના પ્રોજેક્ટમાંથી બહાર થયા બાદ પણ ફિલ્મનું કામ બંધ થયું નથી. હવે ડિરેક્ટર રાહુલ મોદી અને શ્રદ્ધા કપૂર અશ્નીર ગ્રોવરના પાત્ર માટે નવા યુવા કલાકારની શોધ કરી રહ્યા છે.

સ્ક્રિપ્ટ અને ડિરેક્શનને લઈને મતભેદ

આમિર ખાનને સ્ટાર્ટઅપ્સની દુનિયામાં ખાસ રસ હોવાનું કહેવાય છે અને તે અશ્નીર ગ્રોવરની બાયોપિકને લઈને ખૂબ ઉત્સાહિત હતો. રિપોર્ટ્સ અનુસાર, આમિરે ફિલ્મની સ્ક્રિપ્ટ પર પણ કામ કર્યું હતું અઆમિર ખાને અશ્નીર ગ્રોવરની બાયોપિક છોડી: ક્રિએટિવ ડિફરન્સ બાદ પ્રોજેક્ટમાંથી બહાર, શ્રદ્ધા કપૂર નવા યંગ એક્ટર સાથે ફિલ્મ બનાવશેને તેને પોતાના દૃષ્ટિકોણ મુજબ તૈયાર કરવાનો પ્રયાસ કર્યો હતો.

જોકે, ફિલ્મની સ્ક્રિપ્ટ અને ડિરેક્શનને લઈને આમિર ખાન અને ડિરેક્ટર રાહુલ મોદીના વિચારો અલગ હતા. બંને વચ્ચે સતત ચર્ચા થયા બાદ પણ કોઈ સહમતિ ન બનતાં આમિરે પોતાને આ પ્રોજેક્ટથી અલગ કરવાનો નિર્ણય લીધો હોવાનું કહેવાય છે.

મેકર્સ હવે નવા યુવા એક્ટરની શોધમાં

આમિર ખાનના પ્રોજેક્ટમાંથી બહાર થયા બાદ પણ ફિલ્મનું કામ ચાલુ રહેશે. ડિરેક્ટર રાહુલ મોદી અને અભિનેત્રી શ્રદ્ધા કપૂર આ પ્રોજેક્ટને આગળ વધારવા માટે પ્રતિબદ્ધ છે.

રિપોર્ટ્સ અનુસાર, મેકર્સે અશ્નીર ગ્રોવરના પાત્ર માટે ઇન્ડસ્ટ્રીના બે-ત્રણ મોટા યુવા કલાકારો સાથે વાતચીત શરૂ કરી છે. ટૂંક સમયમાં મુખ્ય પાત્ર માટે નવા એક્ટરના નામની જાહેરાત થઈ શકે છે.

શ્રદ્ધા કપૂર એક્ટિંગની સાથે પ્રોડક્શન પણ સંભાળશે

આ બાયોપિકમાં શ્રદ્ધા કપૂર અશ્નીર ગ્રોવરની પત્ની માધુરી જૈન ગ્રોવરનું પાત્ર ભજવી શકે છે. જોકે, તેમના પાત્ર અંગે સત્તાવાર પુષ્ટિ હજુ સુધી થઈ નથી.

શ્રદ્ધા કપૂર આ ફિલ્મમાં માત્ર અભિનેત્રી તરીકે જ નહીં, પરંતુ પ્રોડ્યુસર તરીકે પણ જોડાયેલી છે. તે એક મોટા સ્ટુડિયો સાથે મળીને ફિલ્મનું નિર્માણ કરી રહી છે. અભિનેત્રી અને પ્રોડ્યુસર તરીકે આ પ્રોજેક્ટને શ્રદ્ધા કપૂરના કરિયરની મહત્વપૂર્ણ ફિલ્મોમાંથી એક માનવામાં આવી રહી છે.

માર્ચ 2027માં શૂટિંગ શરૂ થવાનું હતું

પ્રારંભિક યોજના મુજબ ફિલ્મનું શૂટિંગ માર્ચ 2027માં શરૂ થવાનું હતું. આમિર ખાન ડિરેક્ટર આશુતોષ ગોવારિકર સાથેની પોતાની પીરિયડ ડ્રામા ફિલ્મનું શૂટિંગ પૂર્ણ કર્યા બાદ આ બાયોપિક પર કામ શરૂ કરવાનો હતો.

જોકે, હવે મુખ્ય કલાકાર બદલાઈ રહ્યો હોવાથી ફિલ્મના શૂટિંગ શેડ્યૂલ પર પણ અસર પડી શકે છે. નવા એક્ટરની પસંદગી બાદ ફિલ્મની નવી સમયસૂચિ નક્કી કરવામાં આવશે.

કોણ છે અશ્નીર ગ્રોવર?

અશ્નીર ગ્રોવર દેશના જાણીતા બિઝનેસમેન અને ‘ભારતપે’ના પૂર્વ કો-ફાઉન્ડર છે. દિલ્હીના મધ્યમવર્ગીય પરિવારમાં જન્મેલા અશ્નીરે IIT દિલ્હીમાંથી B.Tech અને IIM અમદાવાદમાંથી MBAનો અભ્યાસ કર્યો છે.

વર્ષ 2018માં તેમણે ‘ભારતપે’ની શરૂઆત કરી હતી. કંપનીએ નાના દુકાનદારો માટે સિંગલ QR કોડ દ્વારા ડિજિટલ પેમેન્ટ સરળ બનાવવામાં મહત્વપૂર્ણ ભૂમિકા ભજવી હતી.

વર્ષ 2021માં રિયાલિટી શો ‘શાર્ક ટેન્ક ઇન્ડિયા’ની પ્રથમ સીઝનમાં જજ તરીકે જોવા મળ્યા બાદ અશ્નીર ગ્રોવર દેશભરમાં વધુ લોકપ્રિય બન્યા હતા. તેમની સ્પષ્ટ અને બેફામ બોલવાની શૈલી, પુસ્તક ‘દોગલાપન’ અને બાદમાં ભારતપેમાંથી થયેલી વિવાદાસ્પદ વિદાયને કારણે તેઓ સતત ચર્ચામાં રહ્યા છે.

હવે તેમની જીવનકથા પર બની રહેલી બાયોપિકમાં આમિર ખાનની જગ્યાએ કયો યુવા અભિનેતા જોવા મળશે, તેના પર ફિલ્મપ્રેમીઓની નજર છે.