રાજ્યમાં ફરી પાંચ દિવસ માવઠાની આગાહી: ઉત્તર ગુજરાત-કચ્છમાં વરસાદ અને ઠંડીની અસર, પાકોને જોખમ

રાજ્યમાં હવામાન નિષ્ણાંતે ફરી એકવાર કમોસમી વરસાદની આગાહી કરી છે. હવામાન નિષ્ણાંતો જણાવ્યા મુજબ, આગામી 21થી 26 જાન્યુઆરી દરમિયાન ગુજરાતમાં વાદળછાયું વાતાવરણ રહેશે અને ઉત્તર ગુજરાત તેમજ કચ્છના કેટલાક વિસ્તારોમાં કમોસમી વરસાદ પડવાની સંભાવના છે.

આ વરસાદને કારણે ખેતીના પાકોને નુકસાન થવાની શક્યતા છે, ખાસ કરીને કેરી જેવા નાજુક પાકોમાં.

ઠંડીમાં વધારો અને વાદળછાયું વાતાવરણ

જ્યોતિષ અને હવામાન નિષ્ણાંત જયપ્રકાશ માઢકે જણાવ્યું કે, 26 જાન્યુઆરીએ દેશના અનેક ભાગોમાં બરફવર્ષા, ઠંડીની લહેર, ધુમ્મસ અને કમોસમી વરસાદ જોવા મળી શકે છે. પંજાબ, હરિયાણા, દિલ્હી, ઉત્તર પ્રદેશ, રાજસ્થાન, મધ્ય પ્રદેશ અને ગુજરાતમાં ફરી એકવાર ઠંડીની લહેર રહેશે.

ગુજરાતના કચ્છ, ઉત્તર ગુજરાત અને સૌરાષ્ટ્રમાં 21થી 25 જાન્યુઆરી સુધી હળવો વરસાદ પડી શકે છે, જ્યારે અમુક વિસ્તારોમાં વાદળછાયું વાતાવરણ બાદ તીવ્ર ઠંડી અનુભવાશે. ખાસ કરીને રાત્રિના સમયે ઠંડી વધારે લાગશે.

રાજ્યમાં તાપમાનની સ્થિતિ

રાજ્યમાં આજના દિવસે સૌથી ઓછું તાપમાન નલિયામાં 9.2 ડિગ્રી નોંધાયું છે, જ્યારે અમરેલીમાં 9.6 ડિગ્રી સાથે બીજા નંબરનું ઠંડુ શહેર રહ્યું. અમરેલીમાં છેલ્લા 24 કલાકમાં તાપમાનમાં 3.6 ડિગ્રીનો વધારો થયો છે, જ્યારે ગઇકાલે રાજ્યનું સૌથી નીચું તાપમાન અમરેલીમાં 6 ડિગ્રી નોંધાયું હતું.

હવામાન નિષ્ણાંતે ચેતવણી આપી છે કે વાદળછાયું વાતાવરણ ચાલુ રહી તો ઠંડી વધુ જ તીવ્ર અનુભવાશે.

છેલ્લા 24 કલાકમાં નોંધાયેલું લઘુત્તમ તાપમાન

શહેર	તાપમાન (°C)

રાજકોટ

11.3

વડોદરા

11.8

ગાંધીનગર

13.5

અમદાવાદ

14.5

સુરત

14.6

છેલ્લા 24 કલાકમાં નોંધાયેલું લઘુત્તમ તાપમાન

શહેર	તાપમાન (°C)

નલિયા

9.2

અમરેલી

9.6

દીવ

10.3

ડીસા

11

કંડલા

12.2

ભૂજ

12.4

પોરબંદર

13.6

ભાવનગર

14.4

વેરાવળ

14.5

ધમણ

15.4

દ્વારકા

17.5

ઓખા

18.8

આ માહિતીના આધારે, ખેડૂતો અને નાગરિકો માટે ચેતવણી અને તૈયારી જરૂરી છે, ખાસ કરીને કમોસમી વરસાદ અને ઠંડીના કારણે પાક અને દૈનિક જીવન પર અસર થઈ શકે છે.