ચીને તાઇવાનને પાંચેય બાજુથી ઘેર્યું! મોટા પાયે સૈન્ય અભ્યાસ શરૂ, તાઇવાનનો કડક જવાબ

તાઈપે – ચીનની પીપલ્સ લિબરેશન આર્મી (PLA) તાઈવાનને ઘેરીને મોટા પાયે સૈન્ય અભ્યાસ “જસ્ટિસ મિશન 2025” શરૂ કર્યું છે. ચીનની સેનાએ તાઈવાનના ઉત્તર, ઉત્તર-પૂર્વ, પશ્ચિમ, દક્ષિણ અને પૂર્વીય તટ નજીક અલગ-અલગ ઝોન બનાવી લાઈવ ફાયર ડ્રિલ શરૂ કરી છે.

તાઈવાને તુરંત જવાબ આપ્યો છે અને પોતાની આર્મી, નૌસેના અને વાયુસેનાને એલર્ટ પર રાખી કાઉન્ટર કોમ્બેટ એક્સરસાઈઝ શરૂ કરી છે. તાઈવાનના રક્ષા મંત્રાલયે જણાવ્યું છે કે દેશની સુરક્ષા માટે તમામ સેનાઓ તત્પર છે.

ચીનના સૈન્ય અભ્યાસમાં યુદ્ધ જહાજો, ફાઇટર જેટ, બોમ્બર, ડ્રોન અને લાંબી અંતરની મિસાઇલનો સમાવેશ છે. અભ્યાસનો હેતુ દરિયાઈ અને હવાઈ લક્ષ્યોને નિશાન બનાવવું, બંદરો પર નાકાબંધી કરવી અને બાહ્ય હસ્તક્ષેપ અટકાવવાનો છે. ચીની કોસ્ટ ગાર્ડને પણ તાઈવાન આસપાસના સમુદ્રમાં સક્રિય કરવામાં આવ્યો છે.

તાઈવાને આ અભ્યાસને ખતરનાક ગણાવી દરિયાઈ વાહનવ્યવહાર અને માછીમારો માટે જોખમ તરીકે જણાયું છે. તાઈવાને ચીન પર વિશ્વાસઘાત અને ક્ષેત્રિય શાંતિને નબળી પાડવાનો આરોપ લગાવ્યો છે.

વિશ્વના રક્ષા વિશેષજ્ઞો મુજબ, આ વખતનો ચીનનો અભ્યાસ પહેલા કરતા મોટો અને તાઈવાનની નજીકથી કરવામાં આવી રહ્યો છે. ખાસ કરીને પૂર્વ કિનારે બનાવેલી સૈન્ય ઝોન અત્યંત મહત્વપૂર્ણ ગણાઈ રહી છે, કારણ કે આ દિશામાંથી તાઈવાનને સંકટ સમયે આંતરરાષ્ટ્રીય મદદ મળી શકે છે.

ચીન તાઈવાનને પોતાના ભાગરૂપે માનતું હોય છે અને કોઈપણ બળજબરીપૂર્વકના કબજાનો વિરોધ કરે છે. તાઈવાન જાપાનથી માત્ર 110 કિ.મી. દૂર છે, અને તેની આસપાસની સમુદ્રી માર્ગો જાપાન માટે વ્યાપાર અને સુરક્ષાની દૃષ્ટિએ અત્યંત મહત્વપૂર્ણ છે.