ટાટા હેરિયર અને સફારી પેટ્રોલ વેરિઅન્ટ રિવીલ: 1.5L TGDI ટર્બો એન્જિન અને એડવાન્સ્ડ સેફ્ટી ફિચર્સ

ટાટા મોટર્સે તેની લોકપ્રિય SUV્સ, હેરિયર અને સફારી,નું પેટ્રોલ વર્ઝન રજૂ કર્યું છે. બંને કારને નવા 1.5-લિટર TGDI ટર્બો પેટ્રોલ એન્જિન સાથે લાવવામાં આવ્યું છે, જે તાજેતરમાં લોન્ચ થયેલી ટાટા સિએરામાં આપવામાં આવ્યું હતું. આ એન્જિન પહેલા ઓટો એક્સ્પો 2023માં પ્રદર્શિત થયું હતું.

પેટ્રોલ વેરિઅન્ટ માટે કિંમત ડીઝલ કરતાં ઓછી શક્યતા

પેટ્રોલ વેરિઅન્ટ ડીઝલ મોડલ કરતાં સસ્તા રહેશે તેવી સંભાવના છે. ટાટા સફારીના ડીઝલ વર્ઝનની કિંમત ₹14.66 લાખથી ₹25.96 લાખની વચ્ચે છે, જ્યારે હેરિયર ડીઝલનું ભાવ ₹14 લાખથી ₹25.25 લાખ સુધી છે. પેટ્રોલ વેરિઅન્ટ માટે ફાઈનલ કિંમત ટાટા જાહેર કરશે.

હેરિયર અને સફારીમાં નવા વેરિઅન્ટ્સ

હેરિયર અને સફારીના લાઇનઅપમાં બે નવા વેરિઅન્ટ્સ ફિયરલેસ અલ્ટ્રા અને અકમ્પ્લિશ્ડ અલ્ટ્રા ઉમેરાયા છે. બંને વેરિઅન્ટ્સ સ્પેશિયલ રેડ ડાર્ક એડિશનમાં પણ ઉપલબ્ધ રહેશે.

પર્ફોર્મન્સ અને ડીઝલ એન્જિન

હાલ હેરિયર અને સફારીમાં 2.0-લિટર 4-સિલિન્ડર ડીઝલ એન્જિન ઉપલબ્ધ છે, જે 170PS પાવર અને 350Nm પીક ટોર્ક જનરેટ કરે છે. હેરિયર મેન્યુઅલ ટ્રાન્સમિશનમાં 16.80kmpl અને ઓટોમીટિકમાં 14.60kmpl આપે છે, જ્યારે સફારી મેન્યુઅલમાં 16.30kmpl અને ઓટોમીટિકમાં 14.50kmpl આપે છે.

સુરક્ષા માટે Level-2 ADAS ફીચર્સ

બંને કારોમાં 360° કેમેરા અને Level-2 ADAS સેફ્ટી ફીચર્સ આપવામાં આવ્યા છે. તેમાં મુખ્ય ફીચર્સ આ છે:

• લેન કીપ આસિસ્ટ
• એડેપ્ટિવ સ્ટીયરિંગ આસિસ્ટ
• એડેપ્ટિવ ક્રુઝ કંટ્રોલ
• ઓટોનોમસ ઇમરજન્સી બ્રેકિંગ
• ફોરવર્ડ કોલિઝન વોર્નિંગ
• હાઈ બીમ આસિસ્ટ

પેટ્રોલ વેરિઅન્ટની લોન્ચ સાથે હેરિયર અને સફારીની પસંદગીમાં વધુ વૈવિધ્ય અને આધુનિક ટેક્નોલોજી સાથે સુરક્ષા વધારે સુનિશ્ચિત થઈ છે. આ નવી SUVs હવે MG હેક્ટર, મહિન્દ્રા XUV700, હ્યુન્ડાઈ અલ્કાઝાર અને જીપ કંપાસ જેવી કાર્સ સાથે સ્પર્ધામાં સામેલ થશે.