અમદાવાદમાં શરૂ થયો ભવ્ય ઇન્ટરનેશનલ ફૂડ ફેસ્ટિવલ ‘ફૂડ ફોર થોટ ફેસ્ટ 2025’: સાબરમતી રિવરફ્રન્ટ પર વિશ્વભરના સ્વાદોની મહેફિલ

અમદાવાદના સાબરમતી રિવરફ્રન્ટ ઇવેન્ટ સેન્ટર ખાતે આજથી ભવ્ય ઇન્ટરનેશનલ ફૂડ ફેસ્ટિવલ ‘ફૂડ ફોર થોટ ફેસ્ટ 2025’ની શરૂઆત થઈ છે. મુખ્યમંત્રી ભૂપેન્દ્ર પટેલ અને કેન્દ્રીય શિક્ષણ મંત્રી ધર્મેન્દ્ર પ્રધાને સંયૂક્ત રીતે ઉદ્ઘાટન કર્યું.
મુખ્યમંત્રી ભુપેન્દ્ર પટેલ દ્વારા ફૂડ ફેસ્ટિવલ 2025નું ઉદ્ઘાટન કરવામાં આવ્યું છે, અને રિવરફ્રન્ટ ખાતે આંતરરાષ્ટ્રીય બુક ફેસ્ટિવલનું આયોજન પણ કરવામાં આવ્યું છે, CM ભૂપેન્દ્ર પટેલના હસ્તે બુકફેર ખુલ્લો મૂકાયો છે અને કેન્દ્રીય શિક્ષણ પ્રધાન ધર્મેન્દ્ર પ્રધાન હાજર રહ્યાં છે, 23 નવેમ્બર સુધી બુક ફેસ્ટિવલનું આયોજન કરવામાં આવ્યું છે.

અમદાવાદના સાબરમતી રિવરફ્રન્ટ ઇવેન્ટ સેન્ટર ખાતે આજથી ભવ્ય ”ઇન્ટરનેશનલ ફૂડ ફેસ્ટિવલ ‘ફૂડ ફોર થોટ ફેસ્ટ 2025’’ની શરૂઆત થઈ છે. આ ફેસ્ટિવલ ચાર દિવસ સુધી ચાલશે જેમાં શહેરવાસીઓ રૂપિયા ચૂકવીને પ્રવેશ મેળવી શકશે. ઇવેન્ટ સ્થળે વિવિધ ખાવા-પીવાના સ્ટોલ મૂકવામાં આવ્યા છે, જ્યાં મુલાકાતીઓ QR કોડ મારફતે પેમેન્ટ કરીને મનપસંદ વાનગીઓનો સ્વાદ માણી શકશે.

ટિકિટ બુકિંગ ઓનલાઈન ઉપલબ્ધ
ફેસ્ટિવલ માટેની ટિકિટ બુક માય શોની ઓફિશિયલ વેબસાઇટ પરથી બુક કરી શકાશે. અમદાવાદ મ્યુનિસિપલ કોર્પોરેશન (AMC) દ્વારા ફૂડ ફેસ્ટિવલના મેનુ અને કાર્યક્રમની માહિતી માટે ખાસ QR કોડ જાહેર કરવામાં આવ્યો છે. આ કોડ સ્કેન કરતા તમામ ફૂડ આઇટમ્સના ભાવ અને વિગતો મેળવી શકાશે.

મુખ્યમંત્રીએ ગ્રહણ કર્યો પ્રસાદ
ફૂડ ફેસ્ટિવલના ઉદ્ઘાટન પ્રસંગે ગુજરાતના મુખ્યમંત્રી ભુપેન્દ્ર પટેલે પૂરી જગન્નાથ મંદિરનો પ્રસાદ ગ્રહણ કર્યો હતો. તેમની સાથે કેન્દ્રીય શિક્ષણ મંત્રી ધર્મેન્દ્ર પ્રધાન અને અન્ય મહાનુભાવો પણ હાજર રહ્યા હતા.

સાથે શરૂ થયો અમદાવાદ ઇન્ટરનેશનલ બુક ફેસ્ટિવલ 2025
આ અવસરે શહેરમાં **‘અમદાવાદ ઇન્ટરનેશનલ બુક ફેસ્ટિવલ 2025’**નું પણ ભવ્ય આયોજન થયું છે. 11 દિવસ સુધી ચાલનારા આ જ્ઞાન મહાકુંભમાં 300થી વધુ ઇવેન્ટ્સનું આયોજન થશે. શાળાઓ અને કોલેજોના વિદ્યાર્થીઓ, શિક્ષકો અને પ્રિન્સિપાલોને આ ફેસ્ટિવલમાં જોડાવા માટે ખાસ આમંત્રણ અપાયું છે.

નિઃશુલ્ક પાર્કિંગ અને પ્રવેશ વ્યવસ્થા
પ્રવેશ સંપૂર્ણ નિઃશુલ્ક રાખવામાં આવ્યો છે, જ્યારે ફેસ્ટિવલ સ્થળની નજીક આવેલા ગ્રાઉન્ડમાં નિઃશુલ્ક પાર્કિંગ સુવિધા પણ ઉપલબ્ધ છે.

આ રીતે, અમદાવાદમાં આ અઠવાડિયે સ્વાદ, સંસ્કૃતિ અને જ્ઞાનનો અદભૂત સમન્વય જોવા મળશે.

કાર્યક્રમમાં જોડાવાની પ્રક્રિયા:
1. તમારી સમગ્ર શાળા અથવા કોલેજ માટે એક જ Google ફોર્મ ભરો.
2. તમારી અનુકૂળ તારીખ અને ઝોન પસંદ કરો.
3. કન્ફર્મ થયેલ બસ-પાર્કિંગ સ્લોટ અને શિક્ષક પાસ તમને રિટર્ન મેઇલ દ્વારા મોકલવામાં આવશે.
4. યુનિફોર્મમાં આવેલા વિદ્યાર્થીઓ અને શિક્ષકો (1:15ના રેશિયોમાં) માટે પ્રવેશ સંપૂર્ણ નિઃશુલ્ક રહેશે.
કૃપા કરીને દરેક સાથે આઈડી કાર્ડ રાખવું ફરજિયાત રહેશે.

વાંચન પ્રત્યે પ્રેરણા માટે નરેન્દ્ર મોદીની પહેલ
ઉલ્લેખનીય છે કે ગુજરાતમાં વાંચન અને સાહિત્યના પ્રસાર માટે રાજ્યના તત્કાલીન મુખ્યમંત્રી અને હાલના વડાપ્રધાન નરેન્દ્રભાઈ મોદીએ ‘વાંચે ગુજરાત’ અભિયાનની શરૂઆત કરી હતી. આ અભિયાન અંતર્ગત અમદાવાદ મ્યુનિસિપલ કોર્પોરેશન દર વર્ષે ‘‘અમદાવાદ નેશનલ બુક ફેર’’ નું આયોજન કરતી હતી, જેને વર્ષ 2024થી નવું નામ આપવામાં આવ્યું — ‘અમદાવાદ ઇન્ટરનેશનલ બુક ફેસ્ટિવલ’.

બૌદ્ધિક વિકાસ અને જ્ઞાનનો મહોત્સવ
આ ફેસ્ટિવલનો મુખ્ય હેતુ આવનારી પેઢીમાં વાંચનની આદત વિકસાવવાનો છે જેથી તેઓ બૌદ્ધિક રીતે સશક્ત અને સમાજને મજબૂત બનાવે તેવી દિશામાં આગળ વધી શકે.

આ વર્ષે આ જ્ઞાન મહોત્સવમાં 300થી વધુ કાર્યક્રમો, લેખકોની ઉપસ્થિતિ અને વિવિધ સાહિત્યિક પ્રવૃત્તિઓ યોજાશે — જે વિદ્યાર્થીઓ, શિક્ષકો અને પુસ્તકપ્રેમીઓ માટે અનોખો અનુભવ સાબિત થશે.