દુનિયાનો સૌથી પાતળો કર્વ્ડ સ્માર્ટફોન લોન્ચ: ‘ટેક્નો પોવા કર્વ 2’માં 8000mAh બેટરી

ચીનની ટેક કંપની TECNO એ પોતાની ‘પોવા’ સિરીઝમાં નવો સ્માર્ટફોન Tecno Pova Curve 2 ભારતમાં લોન્ચ કર્યો છે. કંપનીનો દાવો છે કે આ દેશમાં મીડિયાટેક ડાયમેન્સિટી 7100 પ્રોસેસર સાથે આવતો પહેલો સ્માર્ટફોન છે. સાથે જ 8000mAh બેટરી સાથે આ કંપનીનો અત્યાર સુધીનો સૌથી મોટી બેટરીવાળો ફોન ગણાય છે.

---

બે વેરિઅન્ટમાં ઉપલબ્ધ, કિંમત ₹27,999થી શરૂ

‘ટેકનો પોવા કર્વ 2’ને ભારતમાં બે સ્ટોરેજ વેરિઅન્ટમાં રજૂ કરવામાં આવ્યો છે:

• 8GB રેમ + 128GB સ્ટોરેજ – ₹27,999
• 8GB રેમ + 256GB સ્ટોરેજ – ₹29,999

ફોનનું વેચાણ 20 ફેબ્રુઆરીથી શરૂ થશે. શરૂઆતના સેલમાં કંપની ₹3,000 સુધીનું ડિસ્કાઉન્ટ અને 3 અથવા 6 મહિનાની નો-કોસ્ટ EMI ઓફર પણ આપી રહી છે.

---

ડિઝાઇન: દુનિયાનો સૌથી પાતળો કર્વ્ડ ડિસ્પ્લેવાળો ફોન

‘ટેક્નો પોવા કર્વ 2’ની ડિઝાઇન સ્લિમ અને પ્રીમિયમ છે. ફોનની જાડાઈ માત્ર 7.42mm અને વજન 195 ગ્રામ છે. 8000mAh જેવી મોટી બેટરી હોવા છતાં, આ દુનિયાનો સૌથી પાતળો કર્વ્ડ ડિસ્પ્લેવાળો ફોન હોવાનું કંપનીનું કહેવું છે.

ફ્રન્ટમાં 3D કર્વ્ડ AMOLED ડિસ્પ્લે, પાતળા બેઝલ્સ અને સેન્ટર પંચ-હોલ સેલ્ફી કેમેરા આપવામાં આવ્યો છે. બેક પેનલ પોલીકાર્બોનેટ મટીરીયલથી બનેલી છે, જેમાં ગ્લોસી ટેક્સચર અને વર્ટિકલ કેમેરા મોડ્યુલ મળે છે.

ફોનમાં IP64 ડસ્ટ અને સ્પ્લેશ રેઝિસ્ટન્ટ રેટિંગ પણ આપવામાં આવ્યું છે. તે સ્ટોર્મ ટાઈટેનિયમ, મિસ્ટિક પર્પલ અને મેલ્ટિંગ સિલ્વર કલરમાં ઉપલબ્ધ છે.

---

ડિસ્પ્લે: 1.5K AMOLED સાથે 144Hz રિફ્રેશ રેટ

ફોનમાં 6.78 ઇંચની 1.5K (2644×1208 પિક્સલ) કર્વ્ડ AMOLED સ્ક્રીન છે, જે 144Hz રિફ્રેશ રેટ સપોર્ટ કરે છે.

• પીક બ્રાઇટનેસ: 4500 nits
• 2304Hz PWM ડિમિંગ
• પ્રોટેક્શન: કોર્નિંગ ગોરિલા ગ્લાસ 7i

આ ડિસ્પ્લે ગેમિંગ અને વીડિયો સ્ટ્રીમિંગ માટે સ્મૂથ અને બ્રાઈટ અનુભવ આપે છે.

---

કેમેરા: 50MP મેઈન સેન્સર

ફોટોગ્રાફી માટે ડ્યુઅલ રિયર કેમેરા સેટઅપ આપવામાં આવ્યું છે:

• 50MP મેઈન સેન્સર
• 2MP મેક્રો લેન્સ
• LED ફ્લેશ સપોર્ટ

સેલ્ફી અને વીડિયો કોલિંગ માટે 13MP ફ્રન્ટ કેમેરા આપવામાં આવ્યો છે. નાઈટ મોડ અને પોર્ટ્રેટ જેવા ફીચર્સનો સપોર્ટ મળે છે.

---

પર્ફોર્મન્સ: ડાયમેન્સિટી 7100 પ્રોસેસર

‘ટેક્નો પોવા કર્વ 2’માં મીડિયાટેક ડાયમેન્સિટી 7100 ઓક્ટા-કોર પ્રોસેસર છે, જે 6nm ફેબ્રિકેશન પર બનેલું છે અને 2.4GHz સુધી ક્લોક સ્પીડ આપે છે.

• LPDDR5X રેમ
• UFS 2.2 સ્ટોરેજ
• ડેડિકેટેડ G1 ચિપ (20 5G બેન્ડ્સ સપોર્ટ)
• SE1 WiFi ચિપ

ફોન Android 16 આધારિત HiOS 16 પર ચાલે છે. સાથે ‘Ella AI 2.0’ ફીચર ભારતીય ભાષાઓને સપોર્ટ કરે છે.

---

બેટરી: 8000mAh સાથે 45W ફાસ્ટ ચાર્જિંગ

ફોનમાં 8000mAh ક્ષમતાવાળી બેટરી આપવામાં આવી છે, જે 45W ફાસ્ટ ચાર્જિંગ સપોર્ટ કરે છે. સામાન્ય ઉપયોગમાં 2 દિવસ સુધીનો બેકઅપ સરળતાથી મળી શકે છે.

---

અન્ય ફીચર્સ

• ડ્યુઅલ 5G સપોર્ટ
• વાઇફાઇ, બ્લૂટૂથ
• ડ્યુઅલ સિમ
• સ્ટીરિયો સ્પીકર્સ
• 3.5mm હેડફોન જેક નથી

---

મોટી બેટરી, સ્લિમ ડિઝાઇન અને કર્વ્ડ AMOLED ડિસ્પ્લે સાથે ‘ટેક્નો પોવા કર્વ 2’ મિડ-રેન્જ સેગમેન્ટમાં એક શક્તિશાળી વિકલ્પ તરીકે સામે આવ્યો છે. હવે જોવાનું રહેશે કે ભારતીય બજારમાં તેને કેવો પ્રતિસાદ મળે છે.