હવે ટોલ કલેક્શનથી નફો: NHAIના રાજમાર્ગ ટ્રસ્ટને SEBIની મંજૂરી,  જાણો કેવી રીતે થશે હાઈવે પ્રોજેક્ટ્સમાં રોકાણ

ભારતીય રાષ્ટ્રીય રાજમાર્ગ પ્રાધિકરણ (NHAI)ની નવી પહેલ **‘રાજમાર્ગ ઇન્ફ્રા ઇન્વેસ્ટમેન્ટ ટ્રસ્ટ’ (RIIT)**ને બજાર નિયામક SEBI તરફથી મંજૂરી મળી છે. આ સ્કીમ સામાન્ય લોકોને નેશનલ હાઈવે પ્રોજેક્ટ્સમાં રોકાણ કરવાની તક આપે છે.

કેવી રીતે કામ કરશે:

• રોકાણકાર ટ્રસ્ટના યુનિટ્સ (શેર જેવી) ખરીદશે.
• ટ્રસ્ટ હાઈવે પ્રોજેક્ટ્સને લીઝ પર લઈ તેના ટોલ કલેક્શનમાંથી કમાણી કરે છે.
• ખર્ચા બાદ બાકીનો નફો યુનિટ હોલ્ડર્સને ડિવિડન્ડ તરીકે આપવામાં આવશે.
• આ લૉન્ગ-ટર્મ રોકાણ છે અને સરકારી સુરક્ષા હેઠળ છે.

ફાયદા:

1. નિયમિત આવક – બેંક FD કરતા વધુ વળતર.
2. સરકારી ભરોસો – NHAI પ્રોજેક્ટ.
3. લાંબા ગાળાનું રોકાણ – ટોલ કમાણીમાંથી નફો મેળવવાનો માર્ગ.

પ્રોજેક્ટ મેનેજમેન્ટ:

• NHAI એ ‘રાજમાર્ગ ઇન્ફ્રા ઇન્વેસ્ટમેન્ટ મેનેજર્સ પ્રાઇવેટ લિમિટેડ (RIIMPL)’ બનાવ્યું.
• તેમાં 10 મોટી બેંકો અને નાણાકીય સંસ્થાઓ સામેલ: SBI, PNB, HDFC, ICICI, IDBI, ઇન્ડસઇન્ડ, YS Bank, Bajaj Finserv, NaBFID, વગેરે.
• NHAIના સભ્ય એન.આર.વી.વી.કે. રાજેન્દ્ર કુમાર પ્રોજેક્ટના MD & CEO રહેશે.

રોકાણ કેવી રીતે કરશો:

• RIIT લિસ્ટેડ ઇન્વિટ છે, તેથી ડિમેટ એકાઉન્ટ જરૂરી.
• IPO દરમિયાન બ્રોકર એપ્સ (Zerodha, Groww, Angel One) દ્વારા બિડ કરી શકાય.
• લિસ્ટિંગ પછી શેરબજારમાંથી પણ યુનિટ્સ ખરીદી અને વેચી શકાય.

ઇન્વિટ શું છે?
ઇન્ફ્રાસ્ટ્રક્ચર ઇન્વેસ્ટમેન્ટ ટ્રસ્ટ (INViT) મ્યુચ્યુઅલ ફંડની જેમ સામૂહિક રોકાણ યોજના છે, જેમાં લોકો પાસેથી પૈસા લઈને રોડ, વીજળી, અને અન્ય ઇન્ફ્રાસ્ટ્રક્ચર પ્રોજેક્ટ્સમાં રોકાણ થાય છે. ટોલ અને અન્ય કમાણીમાંથી મોટાભાગનો નફો યુનિટ હોલ્ડર્સને ડિવિડન્ડ તરીકે મળે છે.