પ્રધાનમંત્રી નરેન્દ્ર મોદીએ સોશિયલ મીડિયા પર નવો ઇતિહાસ રચ્યો છે. તેમના સત્તાવાર Instagram એકાઉન્ટ પર 100 મિલિયન (10 કરોડ) ફોલોઅર્સ પૂર્ણ થયા છે. આ સિદ્ધિ હાંસલ કરનાર તેઓ વિશ્વના પ્રથમ રાજકીય નેતા બન્યા છે. PM મોદી 12 નવેમ્બર 2014ના રોજ Instagram સાથે જોડાયા હતા અને લગભગ એક દાયકાની સફર બાદ તેઓ આ ઐતિહાસિક માઇલસ્ટોન સુધી પહોંચ્યા છે.
ટ્રમ્પથી બમણાથી વધુ ફોલોઅર્સ
Instagram પર અમેરિકાના રાષ્ટ્રપતિ Donald Trump 43.2 મિલિયન ફોલોઅર્સ સાથે બીજા ક્રમે છે. ઇન્ડોનેશિયાના રાષ્ટ્રપતિ Prabowo Subianto 15 મિલિયન ફોલોઅર્સ સાથે ત્રીજા, બ્રાઝિલના રાષ્ટ્રપતિ Luiz Inácio Lula da Silva 14.4 મિલિયન સાથે ચોથા અને તુર્કીના રાષ્ટ્રપતિ Recep Tayyip Erdoğan 11.6 મિલિયન ફોલોઅર્સ સાથે આગળ છે. વિશ્વના આ પાંચ મોટા નેતાઓના કુલ ફોલોઅર્સની સંખ્યા પણ PM મોદીના એકલા ફોલોઅર્સ કરતાં ઓછી છે.
PM મોદીએ બુધવારે મોડીરાત્રે Instagram પર 100 મિલિયન ફોલોઅર્સનો આંકડો પાર કર્યો હતો.
2014થી 2026 સુધીની ડિજિટલ સફર
🔹 12 નવેમ્બર 2014: Instagramમાં એન્ટ્રી
PM મોદીએ Instagram પર પોતાનો પહેલો ફોટો મ્યાનમારના નય પાય તાવમાં યોજાયેલી આસિયાન સમિટમાંથી પોસ્ટ કર્યો હતો. જોડાયા પછી થોડા જ કલાકોમાં તેમના 50 હજારથી વધુ ફોલોઅર્સ થઈ ગયા હતા.
🔹 2017-2018: 1 કરોડ ફોલોઅર્સ
આ સમયગાળા દરમિયાન તેઓ 10 મિલિયન (1 કરોડ) ફોલોઅર્સ પાર કરી વિશ્વના લોકપ્રિય રાજકીય નેતાઓમાં સામેલ થયા.
🔹 2019-2020: 4 કરોડ સુધી પહોંચ્યા
2019માં બીજીવાર વડાપ્રધાન બન્યા બાદ તેમના ફોલોઅર્સ ઝડપથી વધ્યા. 2020 સુધીમાં તેઓ 40 મિલિયન (4 કરોડ) સુધી પહોંચી ગયા. કોવિડ-19 દરમિયાન જનજાગૃતિ સંદેશાઓ અને અભિયાનોએ તેમની ડિજિટલ પહોંચ વધારી.
🔹 2021-2022: 7 કરોડ
આ સમયગાળા દરમિયાન રાષ્ટ્રીય અને આંતરરાષ્ટ્રીય કાર્યક્રમોની તસવીરો, યુવાનો સાથેના સંવાદ અને વિવિધ પહેલોએ તેમને 70 મિલિયન ફોલોઅર્સ સુધી પહોંચાડ્યા.
🔹 2023: 8 કરોડ
G20 સમિટ, વિદેશ પ્રવાસો અને સાંસ્કૃતિક કાર્યક્રમોની પોસ્ટ્સથી તેમની લોકપ્રિયતા વધતી રહી અને તેઓ 80 મિલિયન ફોલોઅર્સ સુધી પહોંચ્યા.
🔹 જુલાઈ 2024: 9 કરોડ
2024માં તેમણે 90 મિલિયનનો આંકડો પાર કર્યો અને વિશ્વના સૌથી વધુ ફોલો કરવામાં આવતા રાજકીય નેતા તરીકે સ્થાન મજબૂત બનાવ્યું.
🔹 2025-26: 10 કરોડનો ઇતિહાસ
2025માં 95 મિલિયન સુધી પહોંચ્યા બાદ હવે 2026માં 100 મિલિયન ફોલોઅર્સ પાર કરીને તેમણે નવો ગ્લોબલ રેકોર્ડ બનાવ્યો.
ઇન્સ્ટાગ્રામ પર સૌથી વધુ ફોલોઅર્સ ધરાવતા વિશ્વના ટોપ-6 નેતાઓની માહિતી નીચે મુજબ છે:
| ક્રમાંક | નેતાનું નામ | પદ | દેશ | ઇન્સ્ટાગ્રામ ફોલોઅર્સ (મિલિયન) |
|---|---|---|---|---|
| 1 | Narendra Modi | વડાપ્રધાન | ભારત | 100 મિલિયન |
| 2 | Donald Trump | રાષ્ટ્રપતિ | અમેરિકા | 43.2 મિલિયન |
| 3 | Prabowo Subianto | રાષ્ટ્રપતિ | ઇન્ડોનેશિયા | 15 મિલિયન |
| 4 | Luiz Inácio Lula da Silva | રાષ્ટ્રપતિ | બ્રાઝિલ | 14.4 મિલિયન |
| 5 | Recep Tayyip Erdoğan | રાષ્ટ્રપતિ | તુર્કી | 11.6 મિલિયન |
| 6 | Javier Milei | રાષ્ટ્રપતિ | આર્જેન્ટિના | 6.4 મિલિયન |
ઇન્સ્ટાગ્રામ પર સૌથી વધુ ફોલોઅર્સ ધરાવતા 5 ભારતીય નેતાઓની માહિતી નીચે મુજબ છે:
| ક્રમાંક | નેતાનું નામ | પદ | ઇન્સ્ટાગ્રામ ફોલોઅર્સ (મિલિયન) |
|---|---|---|---|
| 1 | Narendra Modi | વડાપ્રધાન, ભારત | 100 મિલિયન |
| 2 | Amit Shah | કેન્દ્રીય ગૃહમંત્રી | 29.7 મિલિયન |
| 3 | Yogi Adityanath | મુખ્યમંત્રી, ઉત્તર પ્રદેશ | 16.1 મિલિયન |
| 4 | Rahul Gandhi | સાંસદ, કોંગ્રેસ નેતા | 12.6 મિલિયન |
| 5 | Priyanka Gandhi Vadra | કોંગ્રેસ મહાસચિવ | 2.2 મિલિયન |
X અને અન્ય પ્લેટફોર્મ પર પણ દબદબો
X (પૂર્વે Twitter) પર પણ PM મોદીએ 2024માં 100 મિલિયન ફોલોઅર્સનો આંકડો પાર કર્યો હતો. હાલમાં તેમના X પર 106.2 મિલિયન ફોલોઅર્સ છે, જે તેમના કોઈપણ સોશિયલ મીડિયા એકાઉન્ટમાં સૌથી વધુ છે.
તે ઉપરાંત Facebook પર તેમના 54 મિલિયન અને WhatsApp ચેનલ પર 11.7 મિલિયન ફોલોઅર્સ છે.
વૈશ્વિક ડિજિટલ ઇન્ફ્લુએન્સર તરીકે મજબૂત ઓળખ
Instagram પર 100 મિલિયન ફોલોઅર્સ સાથે PM મોદી હવે માત્ર રાજકીય નેતા જ નહીં, પરંતુ વૈશ્વિક ડિજિટલ ઇન્ફ્લુએન્સર તરીકે પણ ઓળખાય છે. તેમની પોસ્ટ્સને લાખો-કરોડો લાઇક્સ અને વ્યાપક પ્રતિસાદ મળે છે. ડિજિટલ યુગમાં નેતૃત્વ અને જનસંપર્કની નવી વ્યાખ્યા રચતા તેઓ વિશ્વમાં નંબર 1 સોશિયલ મીડિયા લીડર તરીકે ઉભર્યા છે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
Leave feedback about this