મોદીનો કોંગ્રેસ પર હુમલો: “કોંગ્રેસે વંદે માતરમના ટુકડા કર્યા, ઝીણા સામે નહેરુ ઝૂક્યા”

વંદે માતરમના 150 વર્ષ: લોકસભામાં PM મોદીનો હુમલો — “કોંગ્રેસે વંદે માતરમના ટુકડા કર્યા, ઝીણાની સામે નહેરુ ઝૂક્યા”

લોકસભામાં સોમવારે વંદે માતરમનાં 150 વર્ષ પૂર્ણ થવાના અવસરે ખાસ ચર્ચા યોજાઈ. વડાપ્રધાન નરેન્દ્ર મોદીએ આ ચર્ચાની શરૂઆત કરી અને લગભગ એક કલાકના ભાષણમાં કોંગ્રેસ, નહેરુ અને મુસ્લિમ લીગ પર કડક પ્રહાર કર્યા.

મોદીએ પોતાના ભાષણમાં ઇતિહાસના અનેક પ્રસંગોનો ઉલ્લેખ કરીને કહ્યું કે “વંદે માતરમે અંગ્રેજોને જડબાંતોડ જવાબ આપ્યો હતો, પરંતુ છેલ્લા દાયકાઓમાં આ ગીત સાથે અન્યાય થયો છે.”

મોદીના મુખ્ય આરોપો

PM મોદીએ કહ્યું—

• “મોહમ્મદ અલી ઝીણાએ 1936માં વંદે માતરમ વિરુદ્ધ ઝૂથું પ્રચાર કર્યું, પરંતુ તેના સામે ઊભા રહેવાને બદલે જવાહરલાલ નહેરુએ વંદે માતરમની જ સમીક્ષા શરૂ કરી.”
• “કોંગ્રેસે મુસ્લિમ લીગ સામે ઘૂંટણ ટેકી દીધા અને દેશભરની વિરોધ રેલીઓ છતાં વંદે માતરમના ટુકડા કરીને તેનો ઉપયોગ મર્યાદિત કરી દીધો.”
• “INC ચાલતાં-ચાલતાં MNC બની ગયું છે. કોંગ્રેસ જેમની સાથે જોડાય છે, તેઓ વંદે માતરમ પર વિવાદ ઉભા કરે છે.”

PM મોદીના ભાષણમાં ઉલ્લેખિત શબ્દોની ગણતરી

એક કલાકના પોતાના ભાષણમાં મોદીએ વારંવાર રાષ્ટ્રવાદ, ઇતિહાસ અને રાજનીતિની ચર્ચા કરી.

• વંદે માતરમ – 121 વાર
• દેશ – 50 વાર
• ભારત – 35 વાર
• અંગ્રેજ – 34 વાર
• બંગાળ – 17 વાર
• કોંગ્રેસ – 13 વાર
• બંકિમચંદ્ર ચેટર્જી – 10 વાર
• નહેરુ – 7 વાર
• ગાંધીજી – 6 વાર
• મુસ્લિમ લીગ – 5 વાર
• ઝીણા – 3 વાર

PM મોદીના ભાષણની 6 મુખ્ય વાતો

1. “વંદે માતરમનું સ્મરણ આ સદનનું સૌભાગ્ય”

મોદીએ કહ્યું કે આ મંત્રએ દેશની આઝાદીના આંદોલનને ઉર્જા આપી અને હજારો સપૂતોને ફાંਸੀના માંચડે ચડતાં પહેલાં પ્રેરણા આપી.

2. દેશ 150 વર્ષ પછી વિશ્વની 5મી સૌથી મોટી અર્થવ્યવસ્થા

વંદે માતરમના 50મા અને 100મા વર્ષ પર દેશ સંકટમાં હતો, પરંતુ 150મા વર્ષ પર ભારત ઝડપથી આગળ વધી રહ્યું છે.

3. 1906ના ઐતિહાસિક બારીસાલ સરઘસનો ઉલ્લેખ

મોદીએ કહ્યું કે હિંદુ અને મુસ્લિમ બંનેએ વંદે માતરમના ઝંડા સાથે 10,000થી વધુ લોકો સાથે સરઘસ કાઢ્યો હતો.

4. બંગાળ માટે વંદે માતરમ ગલી-ગલીનો નારો

મોદીએ સ્વાતંત્ર્યસેનાનીઓનાં બલિદાનનો ઉલ્લેખ કર્યો, જેમણે ફાંસીના માંચડે ચડતાં પહેલાં વંદે માતરમ ઉચ્ચાર્યું.

5. “નહેરુએ મુસ્લિમ લીગ સામે ઘૂંટણ ટેક્યા”

PM મોદીએ નહેરુના પત્રનો ઉલ્લેખ કર્યો, જેમાં નહેરુએ વંદે માતરમની પૃષ્ઠભૂમિથી મુસ્લિમોમાં રોષ પેદા થશે એવી ચિંતા વ્યક્ત કરી હતી.

6. “કોંગ્રેસ INCમાંથી MNC બની ગઈ”

મોદીના કહેવા અનુસાર કોંગ્રેસે આઉટસોર્સ કરી દીધું છે અને તેનું વલણ આજેય તુષ્ટીકરણવાળો છે.

લોકસભામાં ખાસ ચર્ચા

વંદે માતરમનાં 150 વર્ષ પૂર્ણ થવા પર આ ચર્ચા માટે 10 કલાકનો સમય ફાળવાયો છે. કોંગ્રેસ તરફથી ગૌરવ ગોગોઈએ પોતાની બાજુ રજૂ કરી.

આ ચર્ચા બાદ 9 ડિસેમ્બરે રાજ્યસભામાં પણ ચર્ચા યોજાશે.