ઇલોન મસ્ક દુનિયાના સૌથી અમીર વ્યક્તિ: એક જ દિવસમાં ₹7 લાખ કરોડનો વધારો, કુલ સંપત્તિ ₹77 લાખ કરોડને પાર

દુનિયાના સૌથી અમીર વ્યક્તિ ઇલોન મસ્કે ફરી એક વખત ઇતિહાસ રચ્યો છે. તેમની કુલ સંપત્તિ 850 બિલિયન ડોલર (લગભગ ₹77 લાખ કરોડ)ને પાર પહોંચી ગઈ છે. માત્ર એક જ દિવસમાં તેમની નેટવર્થમાં 84 બિલિયન ડોલર, એટલે કે લગભગ ₹7 લાખ કરોડનો જબરદસ્ત વધારો નોંધાયો છે.

ફોર્બ્સ (Forbes) અનુસાર, મસ્ક હવે માનવ ઇતિહાસના સૌથી અમીર વ્યક્તિ બની ગયા છે. તેમની સંપત્તિમાં થયેલો આ ભારે ઉછાળો તેમની રોકેટ કંપની સ્પેસએક્સ (SpaceX) અને આર્ટિફિશિયલ ઇન્ટેલિજન્સ સ્ટાર્ટઅપ xAIના મર્જરનું પરિણામ છે.

માત્ર 4 મહિનામાં 70%નો વધારો

મસ્કની નેટવર્થમાં છેલ્લા ચાર મહિનામાં લગભગ 70%નો વધારો થયો છે. ઓક્ટોબર 2025માં તેમની સંપત્તિ 500 બિલિયન ડોલર હતી, જે હવે સીધી 850 બિલિયન ડોલર સુધી પહોંચી ગઈ છે. મસ્કની કુલ સંપત્તિ હવે પાકિસ્તાન, શ્રીલંકા, બાંગ્લાદેશ અને નેપાળ જેવા દેશોની GDP કરતાં પણ વધુ છે. એટલું જ નહીં, આ આંકડો ભારતના ટોચના 40 સૌથી અમીર લોકોની કુલ સંપત્તિ કરતાં પણ વધારે છે.

---

સ્પેસએક્સ અને xAIનું મર્જર: $1.25 ટ્રિલિયનની દૈત્ય કંપની

ઇલોન મસ્કની સ્પેસએક્સ કંપનીએ તેમની જ AI કંપની xAIને ખરીદી લીધી છે. અગાઉ બંને કંપનીઓ અલગ-અલગ હતી, પરંતુ હવે મર્જર પછી તે એક જ વિશાળ કંપની બની ગઈ છે. આ નવી કંપનીનું કુલ મૂલ્યાંકન $1.25 ટ્રિલિયન (લગભગ ₹104 લાખ કરોડ) આંકવામાં આવ્યું છે.

આ મર્જરથી મસ્કની વ્યક્તિગત વેલ્યુમાં $84 બિલિયનનો સીધો વધારો થયો છે.

મર્જર પહેલાં:

• સ્પેસએક્સમાં મસ્કની 42% હિસ્સેદારી હતી, કિંમત $336 બિલિયન
• xAIમાં 49% હિસ્સેદારી હતી, કિંમત $122 બિલિયન

મર્જર પછી:

• નવી કંપનીમાં મસ્કની હિસ્સેદારી 43% થઈ
• એકલા મસ્કની હિસ્સેદારીની કિંમત $542 બિલિયન પહોંચી

---

4 મહિનામાં મસ્કે બનાવ્યા 4 ઐતિહાસિક રેકોર્ડ

• ઓક્ટોબર 2025: દુનિયાના પ્રથમ $500 બિલિયન વ્યક્તિ બન્યા
• 15 ડિસેમ્બર 2025: સ્પેસએક્સના વધતા મૂલ્યાંકનથી $600 બિલિયન પાર
• 19 ડિસેમ્બર 2025: ટેસ્લાના સ્ટોક વિકલ્પો પુનઃસ્થાપિત થતાં $700 બિલિયન ક્લબમાં એકમાત્ર સભ્ય
• જાન્યુઆરી 2026: સ્પેસએક્સ–xAI મર્જરથી કુલ સંપત્તિ $850 બિલિયન

10 વર્ષમાં મસ્કની નેટવર્થમાં 80 ગણો વધારો

વર્ષ	નેટવર્થ
2016	10.70 બિલિયન ડોલર (₹94.8 હજાર કરોડ)
2017	13.90 બિલિયન ડોલર (₹1.23 લાખ કરોડ)
2018	19.90 બિલિયન ડોલર (₹1.76 લાખ કરોડ)
2019	22.30 બિલિયન ડોલર (₹1.97 લાખ કરોડ)
2020	24.60 બિલિયન ડોલર (₹2.18 લાખ કરોડ)
2021	151.00 બિલિયન ડોલર (₹13.38 લાખ કરોડ)
2022	219.00 બિલિયન ડોલર (₹19.41 લાખ કરોડ)
2023	180.00 બિલિયન ડોલર (₹15.96 લાખ કરોડ)
2024	195.00 બિલિયન ડોલર (₹17.29 લાખ કરોડ)
2025	500.00 બિલિયન ડોલર (₹43.99 લાખ કરોડ)
ડિસેમ્બર 2025	700.00 બિલિયન ડોલર (₹54.50 લાખ કરોડ)
ફેબ્રુઆરી 2026	800.00 બિલિયન ડોલર (₹72.00 લાખ કરોડ)

બીજા અમીરોથી મસ્ક બહુ આગળ

દુનિયાના બીજા સૌથી અમીર વ્યક્તિ અને મસ્ક વચ્ચેનું અંતર હવે ત્રણ ગણાથી પણ વધારે છે. ગૂગલના કો-ફાઉન્ડર લેરી પેજ $281 બિલિયનની સંપત્તિ સાથે બીજા ક્રમે છે. મસ્ક તેમનાથી $578 બિલિયન વધુ અમીર છે. જે ઝડપે તેમની સંપત્તિ વધી રહી છે, તે જોતા મસ્ક ટૂંક સમયમાં દુનિયાના પહેલા ‘ટ્રિલિયનેયર’ બની શકે છે.

દુનિયાના ટોપ-10 સૌથી અમીર વ્યક્તિઓ (04 ફેબ્રુઆરી 2026)

ક્રમ	નામ	સંપત્તિ (બિલિયન ડોલર)	કંપની / ઓળખ
1	ઇલોન મસ્ક	77.01	ટેસ્લા
2	લેરી પેજ	25.43	ગૂગલ
3	સર્જી બ્રિન	23.46	ગૂગલ
4	જેફ બેઝોસ	22.91	એમેઝોન
5	માર્ક ઝુકરબર્ગ	22.07	મેટા
6	લેરી એલિસન	18.37	ઓરેકલ
7	બર્નાર્ડ આર્નોલ્ટ	14.64	LVMH
8	જેન્સન હુઆંગ	14.38	એનવિડિયા
9	વોરેન બફેટ	12.99	બર્કશાયર હેથવે
10	સ્ટીવ બાલ્મર	12.95	માઈક્રોસોફ્ટ

---

ઇલોન મસ્કની મહત્વની કંપનીઓ

ટેસ્લા:
ટેસ્લાની સ્થાપના 2003માં થઈ હતી. મસ્ક શરૂઆતથી જ મુખ્ય રોકાણકાર રહ્યા અને બાદમાં CEO બન્યા. ટેસ્લાનો હેતુ ઇલેક્ટ્રિક વાહનોને લોકપ્રિય બનાવવાનો અને ટકાઉ ઊર્જાને પ્રોત્સાહન આપવાનો છે.

સ્પેસએક્સ:
2002માં શરૂ કરેલી સ્પેસએક્સનો ઉદ્દેશ્ય અવકાશ પ્રક્ષેપણનો ખર્ચ ઘટાડવાનો અને મંગળ પર માનવ વસાહત સ્થાપવાનો છે. સ્પેસએક્સે નાસા સાથે પણ અનેક સફળ મિશન પૂર્ણ કર્યા છે.

ન્યુરાલિંક:
2016માં શરૂ થયેલી ન્યુરાલિંક માનવ મગજ અને કમ્પ્યુટરને જોડતી બ્રેન-મશીન ઇન્ટરફેસ ટેકનોલોજી પર કામ કરે છે, જે ભવિષ્યમાં ન્યુરોલોજીકલ રોગોના ઈલાજમાં મદદરૂપ બની શકે છે.