કેનેડામાં PM મોદીને ‘મારી નાખો’ના નારા: ખાલિસ્તાની તત્વો દ્વારા તિરંગાનું અપમાન અને વિવાદિત મતદાન

કેનેડાના ઓટાવામાં રવિવારે યોજાયેલા ખાલિસ્તાની જનમત સંગ્રહ (Khalistan Referendum) દરમિયાન ભારતીય રાષ્ટ્રીય ધ્વજ ‘તિરંગા’નું અપમાન કરવામાં આવ્યું અને ભારતના વડાપ્રધાન નરેન્દ્ર મોદી તેમજ અન્ય નેતાઓને નિશાન બનાવતા “મારી નાખો” જેવા ઉશ્કેરણીજનક નારા લગાવવામાં આવ્યા. કડકડતી ઠંડી વચ્ચે હજારો કેનેડિયન શીખોએ ખાલિસ્તાન રેફરન્ડમમાં ભાગ લીધો, જેને આતંકવાદી સંગઠન ‘શીખ્સ ફોર જસ્ટિસ’ (SFJ) દ્વારા અનૌપચારિક રીતે આયોજિત કરવામાં આવ્યું હતું

ગેરકાયદેસર ‘ખાલિસ્તાન રેફરન્ડમ’માં 53,000થી વધુ લોકોએ મત આપ્યો

રેલીમાં લોકો પીળા રંગના ખાલિસ્તાની ઝંડા લઈને હાજર રહ્યા. આ રેફરન્ડમમાં એક જ પ્રશ્ન પૂછાયો—
“શું પંજાબને ભારતથી અલગ કરીને ખાલિસ્તાન નામનો સ્વતંત્ર દેશ બનાવવો જોઈએ?”

આયોજકોના દાવા મુજબ ઓન્ટેરિયો, આલ્બર્ટા, બ્રિટિશ કોલંબિયા અને ક્યુબેકમાંથી 53,000થી વધુ લોકોએ મતદાન કર્યું. લોકો બાળકો, વૃદ્ધો અને સગર્ભા સ્ત્રીઓ સાથે લાઇનમાં ઊભા રહ્યા.

વોટિંગ સ્થળે ભારત વિરુદ્ધ ઉશ્કેરણી: “PM મોદીને મારી નાખો”ના નારા

મેકનેબ કોમ્યુનિટી સેન્ટરની બહાર હજારો ખાલિસ્તાની સમર્થકોએ ભારતના વડાપ્રધાન, ગૃહમંત્રી અને અન્ય અધિકારીઓ વિરુદ્ધ હત્યા માટે ઉશ્કેરતા નારા લગાવ્યા.
સેટેલાઇટ દ્વારા SFJના વડા ગુરપતવંત સિંહ પન્નુએ કાર્યક્રમને સંબોધિત કર્યો.

G20 સમિટમાં મોદી–કાર્નીની મુલાકાતને લઈને સવાલો

આ જ દિવસે કેનેડાના PM માર્ક કાર્ની G20 સમિટમાં ભારતના PM મોદીને મળ્યા હતાં.
SFJએ પ્રશ્ન કર્યો કે—
“કેનેડામાં ભારત વિરુદ્ધ પ્રવૃત્તિઓ ચાલી રહી છે ત્યારે PM કાર્ની મોદીને શા માટે મળ્યા?”

ભારતનો વિરોધ: “આ આપણા સાર્વભૌમત્વ પર સીધો હુમલો”

ભારત સરકારે ‘ખાલિસ્તાન રેફરન્ડમ’ને ગેરકાયદેસર ગણાવતા જણાવ્યું કે કેનેડા ભારતને આંતરિક રીતે નબળું કરવા માટે પોતાની જમીનનો ઉપયોગ થવા દે છે.

ભારત–કેનેડા વચ્ચે ટ્રેડ ડીલની જાહેરાત

તણાવ વચ્ચે ભારત–કેનેડા વચ્ચે વેપાર કરાર માટેની ચર્ચા ફરીથી શરૂ કરવાનો નિર્ણય થયો છે.
વાણિજ્ય મંત્રી પીયૂષ ગોયલે જણાવ્યું કે—
“2030 સુધી વેપાર 50 બિલિયન ડોલર સુધી લઈ જવાનો લક્ષ્ય છે.”
ક્રિટિકલ મિનરલ્સ અને ન્યુક્લિયર એનર્જી પર વિશેષ ધ્યાન આપવામાં આવશે.

---

આ પહેલા પણ તિરંગાનું અપમાન

• માર્ચ 2024 – કેલગરી: તલવારથી ભારતીય ધ્વજ ફાડી નાખ્યો.
• એપ્રિલ 2025 – સરે: વૈશાખી પરેડમાં તિરંગાને જમીન પર ઘસડાયો.
• નવેમ્બર 2025 – મોન્ટ્રીયલ: 500 કારોવાળી રેલીમાં ‘ખાલિસ્તાન ઝિંદાબાદ’ના નારા.