ગાંજાના છોડ માટે કોથળા ખૂટ્યા: SOGએ 12 GRD જવાનો સાથે ચલાવ્યું વિશેષ ઓપરેશન, પોણાત્રણ કરોડનો માલ જપ્ત

કપાસની આડમાં ગાંજાનો ધંધો ચકનાચૂર: સુરેન્દ્રનગર SOGનો 19 કલાકનો ઑપરેશન, પોણાત્રણ કરોડનો મુદ્દામાલ જપ્ત

સુરેન્દ્રનગર જિલ્લાના સાયલા તાલુકાના ખીટલા ગામમાંથી કપાસના પાકની આડમાં ચાલી રહેલા ગેરકાયદેસર ગાંજાના વાવેતરની SOG દ્વારા પોલખોલ કરવામાં આવી છે. આશરે 2.80 કરોડ રૂપિયાના લીલા ગાંજાના છોડ જપ્ત કરતા પોલીસે એક આરોપીની ધરપકડ કરી છે. આ સુત્રોની બાતમીને આધારે કરવામાં આવેલા આકરા ઑપરેશનમાં GRDના 12 જવાનોની મદદથી સતત 19 કલાક સુધી રેડ ચાલતી રહી હતી.

ખેતરમાંથી 180 ગાંજાના છોડ મળ્યા; કુલ વજન 559 કિલો

SOGને વાડીમાં દરોડા દરમિયાન 180 લીલા ગાંજાના છોડ મળ્યા, જેનું કુલ વજન 559 કિલો 700 ગ્રામ હતું. તેની બજાર કિંમત અંદાજે ₹2,79,85,000 આંકવામાં આવી છે. કપાસનાં છોડની જ્યાં કતારો હતી, ત્યાં વચ્ચે ગાંજાનું વાવેતર છુપાવી રાખવામાં આવ્યું હતું.

ગાંજાનો જથ્થો જપ્ત કરવા કોથળા પણ ખૂટ્યા

• કેટલાક ગાંજાના છોડ પર મધમાખીઓ બેઠા હોવાથી ધુમાડો કરી તેમને ઉડાડવાની કામગીરી કરવામાં આવી હતી.
• જપ્ત કરાયેલા મોટા જથ્થાને ભરવા કોથળા ખૂટી પડ્યા હતા.
• 12 ફૂટ લાંબા છોડને પેક કરવા 15×20ના પ્લાસ્ટિક કંટેનાનો ઉપયોગ કરવો પડ્યો.
• આખું મુદ્દામાલ એક ટ્રેક્ટરમાં ભરીને પોલીસ સ્ટેશન લઈ જવાયો.

જવાનોની મદદથી બધા છોડ ઉખેડાયા

કારણ કે ખેતરની લાઇનમાં કપાસની વચ્ચે ગાંજાનાં અનેક છોડ છુપાવી રાખવામાં આવ્યા હતા, SOGએ ખેતીકામમાં અનુભવી એવા 12 GRD જવાનોની મદદથી તમામ છોડને ખેતરમાંથી ઉખેડ્યા.

આરોપી રાજુ ખવડની ધરપકડ

PSI આર.જે. ગોહિલને બાતમી મળી હતી કે રાજુ ખવડ નામનો વ્યક્તિ પોતાના ખેતરમાં ગાંજાનું વાવેતર કરી રહ્યો છે.
દરોડા બાદ તમામ મુદ્દામાલ જપ્ત કરતા રાજુ ખવડની ધરપકડ થઈ છે.
આરોપી વિરુદ્ધ ધજાળા પોલીસ સ્ટેશનમાં NDPS એક્ટ હેઠળ ગુનો દાખલ કરીને વધુ તપાસ શરૂ કરવામાં આવી છે.

પોલીસનો સત્તાવાર નિવેદન

સુરેન્દ્રનગર DYSP પાર્થ પરમારે જણાવ્યું હતું:
“કપાસની આડમાં ગાંજાનું વાવેતર થતું હોવાની ચોક્કસ બાતમીના આધારે SOGની ટીમે રેડ પાડી મોટી માત્રામાં મુદ્દામાલ જપ્ત કર્યો છે. આરોપી સામે કાયદેસરની કાર્યવાહી ચાલુ છે.”