ગુજરાત માધ્યમિક અને ઉચ્ચતર માધ્યમિક શિક્ષણ બોર્ડે ફેબ્રુઆરી-માર્ચ 2026ની બોર્ડ પરીક્ષા માટે ફોર્મ ભરવાની અંતિમ તારીખ લંબાવવાનો મહત્વપૂર્ણ નિર્ણય લીધો છે. આ નિર્ણય ધોરણ-10 અને ધોરણ-12 (વિજ્ઞાન, સામાન્ય પ્રવાહ, વ્યવસાયલક્ષી પ્રવાહ, ઉ.ઉ.બોર્ડ અને સંસ્કૃત માધ્યમ)ના નિયમિત તેમજ ખાનગી ઉમેદવારો માટે રાહતરૂપ છે.
- ધોરણ-12 વિજ્ઞાન પ્રવાહ માટે ફોર્મ ભરવાની અંતિમ તારીખ હવે 22 ડિસેમ્બર 2025 છે.
- ધોરણ-10 અને 12 સામાન્ય પ્રવાહ, વ્યવસાયલક્ષી પ્રવાહ, ઉ.ઉ.બોર્ડ અને સંસ્કૃત માધ્યમ માટે ફોર્મ ભરવાની અંતિમ તારીખ 24 ડિસેમ્બર 2025 નક્કી કરવામાં આવી છે.
- ફોર્મમાં સુધારા અથવા પ્રિન્સિપાલની મંજૂરી આપવા માટે અંતિમ સમય 26 ડિસેમ્બર 2025 રાત્રે 12 વાગ્યા સુધી રહેશે.
- શાળાઓ દ્વારા બાકી રહેલી ફી સાથેની કાર્યવાહી 30 ડિસેમ્બર 2025 સુધી પૂર્ણ કરવામાં આવશે.
આ નિર્ણયથી હજારો વિદ્યાર્થીઓ અને શાળાઓને વધારાનો સમય મળ્યો છે. બોર્ડે તમામ સંબંધિતોને સમયમર્યાદાનું પાલન કરવા અનુરોધ કર્યો છે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
