આજે બુધવારે ભારતીય શેરબજારમાં મજબૂત તેજી જોવા મળી રહી છે. BSE સેન્સેક્સ લગભગ 1,000 પોઈન્ટના ઉછાળા સાથે 77,900ના સ્તરે ટ્રેડ થઈ રહ્યો છે, જ્યારે NSE નિફ્ટી પણ 300 અંક વધીને 24,300ની આસપાસ કારોબાર કરી રહ્યો છે.
આજે ઓટો, IT અને FMCG સેક્ટરના શેરોમાં વધુ ખરીદી જોવા મળી રહી છે. આ ત્રણે સેક્ટર્સે બજારને મજબૂતી આપી છે.
UAEની OPEC છોડવાની જાહેરાતથી બજારમાં સકારાત્મક અસર
નિષ્ણાતોના મતે, UAE દ્વારા OPEC અને OPEC+માંથી બહાર નીકળવાની જાહેરાત (1 મે 2026થી અમલમાં આવશે)ની બજાર પર સકારાત્મક અસર પડી રહી છે. આ નિર્ણયથી OPECની ક્રૂડ ઓઈલના ઉત્પાદન પર નિયંત્રણ રાખવાની ક્ષમતા નબળી પડશે અને વૈશ્વિક પુરવઠો વધી શકે છે. આનાથી લાંબા ગાળે ક્રૂડ ઓઈલની કિંમતોમાં ઘટાડો થવાની સંભાવના છે, જેનો સીધો લાભ ભારત જેવા મોટા તેલ આયાતકાર દેશોને મળશે.
આંતરરાષ્ટ્રીય બજારોની સ્થિતિ
- એશિયન બજારોમાં મિક્સ્ડ વલણ જોવા મળ્યું. Nikkei (જાપાન) અને Kospi (દક્ષિણ કોરિયા)માં ઘટાડો, જ્યારે Hang Seng (હોંગકોંગ)માં વધારો નોંધાયો.
- અમેરિકી બજાર (28 એપ્રિલે): Dow Jones, Nasdaq અને S&P 500માં ઘટાડો જોવા મળ્યો હતો.
ક્રૂડ ઓઈલના ભાવ
બ્રેન્ટ ક્રૂડ ઓઈલના ભાવ 110 ડોલર પ્રતિ બેરલને પાર કરી ગયા છે. સ્ટ્રેટ ઓફ હોર્મુઝમાં વધતી તંગદિલી અને મજબૂત માંગને કારણે તેલના ભાવમાં તેજી જોવા મળી રહી છે.
ગઈકાલનું પર્ફોર્મન્સ
ગઈકાલે 28 એપ્રિલે બજારમાં ઘટાડો જોવા મળ્યો હતો. સેન્સેક્સ 417 અંક (0.54%) ઘટીને 76,887 પર બંધ થયો હતો, જ્યારે નિફ્ટી 97 અંક (0.40%) ઘટીને 23,996 પર સમાપ્ત થયો હતો.
આજે બજારમાં જોવા મળતી તેજીને રોકાણકારો સકારાત્મક રીતે લઈ રહ્યા છે. આગામી સત્રમાં પણ ઓટો અને IT સેક્ટર પર નજર રાખવામાં આવી રહી છે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
