નવલ વર્ષની શરુઆતમાં રાજકીય અને ઉદ્યોગપતિ પરિવારમાં ખુશીની લહેર છવાઈ ગઈ છે. કોંગ્રેસ મહાસચિવ પ્રિયંકા ગાંધી અને ઉદ્યોગપતિ રોબર્ટ વાડ્રાના પુત્ર રેહાન વાડ્રા અને તેમના લાંબા સમયના પ્રેમી સંબંધ અવિવા બેગની સગાઈ થઈ ગઈ છે. સગાઈ સમારોહ અત્યંત ખાનગી રીતે યોજાયો હતો, જેમાં માત્ર નજીકના પરિવારજનો હાજર રહ્યા.
સૂત્રો મુજબ, રેહાન વાડ્રાએ અવિવા બેગને પ્રપોઝ કર્યું હતું, અને બંને પરિવારોની સંમતિ બાદ સગાઈ ફાઈનલ કરવામાં આવી.
અવિવા બેગ કોણ છે?
અવિવા બેગ દિલ્હીની રહેવાસી છે અને તેમના પરિવારને વાડ્રા પરિવારનો નજીકનો મિત્ર ગણવામાં આવે છે. તેમણે મોર્ડન સ્કૂલ અને ઓપી જિંદાલ ગ્લોબલ યુનિવર્સિટીમાંથી મીડિયા કોમ્યુનિકેશન અને જર્નાલિઝમમાં ડિગ્રી મેળવી છે. અવિવા એક પ્રોફેશનલ ફોટોગ્રાફર અને પ્રોડ્યુસર છે અને દેશમાં તેમજ આંતરરાષ્ટ્રીય સ્તરે અનેક એક્ઝિબિશનનું આયોજન કર્યું છે.
અવીવા રાષ્ટ્રીય સ્તરના ફૂટબોલ ખેલાડી પણ રહી ચૂકી છે. તે પ્રકૃતિપ્રેમી છે અને પોતાના કેમેરા સાથે જંગલો, પર્વતો અને રણમાં પ્રવાસ કરીને ફોટોગ્રાફી દ્વારા કઈંક કહાનીઓ કેદ કરે છે.
રેહાન અને અવિવાની ખાસિયત
રેહાન વાડ્રા અને અવિવા બેગ છેલ્લા સાત વર્ષથી રિલેશનશિપમાં છે. રેહાનને વાઇલ્ડલાઇફ ફોટોગ્રાફીનો શોખ છે, જ્યારે અવિવા પોતાના ક્રિએટીવ ફીલ્ડમાં એક્ટિવ રહે છે. રેહાન અગાઉ રાહુલ ગાંધીની ભારત જોડો યાત્રામાં પણ ભાગ લીધો હતો, જ્યાં તેમણે લગભગ 70 હજાર પગલાં ચાલ્યા હતા.
બંને પરિવારોના આશીર્વાદ સાથે, રેહાન અને અવિવા હવે લગ્ન તરફ આગળ વધવાના છે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
