કોંગ્રેસે રાજ્યમાં દારૂબંધી અને વધતા ગુનાખોરીના મુદ્દે સરકારને ઘેરવાનો પ્રયાસ શરૂ કર્યો છે. રાહુલ ગાંધી સોશિયલ મીડિયા પ્લેટફોર્મ X પર લખ્યું હતું કે ગુજરાતમાં વધતા નશા, ગેરકાયદે દારૂ અને ગુનાખોરીના કારણે મહિલાઓની સુરક્ષા ખતરામાં છે અને જન જીવન પર અસર પડી રહી છે.
રાહુલ ગાંધીના આ નિવેદનના જવાબમાં, ગુજરાતના શિક્ષણ રાજ્યમંત્રી રીવાબા જાડેજાએ વળતો જવાબ આપ્યો. તેમણે કહ્યું કે રાજ્યમાં મહિલાઓ સામેનો ક્રાઈમ રેટ માત્ર 1.48% છે, જ્યારે રાષ્ટ્રીય સરેરાશ 4% છે. રીવાબાએ ઉમેર્યું કે માતાઓ અને બહેનોની સુરક્ષા માટે ગુજરાત સતત શ્રેષ્ઠ રાજ્ય રહ્યું છે અને આગળ પણ રહેશે.
રીવાબાએ કોંગ્રેસને ટાર્ગેટ કરતા જણાવ્યું, “2027માં ગુજરાત ચૂંટણીમાં કોંગ્રેસ સિંગલ ડિજિટમાં રહી જશે.”
આ વિવાદ રાજ્યમાં દારૂબંધી, મહિલા સુરક્ષા અને કોંગ્રેસ-ભાજપ વચ્ચેના રાજકીય ટક્કર અંગે ચર્ચા ઉભી કરતો રહ્યો છે.
દેશમાં મહિલાઓ પાર અત્યાચારના નોંધાયેલા ગુના:
| વર્ષ (Year) | નોંધાયેલા ગુના (Registered Crimes) |
|---|
| 2020 | 3,71,503 |
| 2021 | 4,28,278 |
| 2022 | 4,45,256 |
| 2023 | 4,48,211 |
ગુજરાતમાં મહિલાઓ પાર અત્યાચારના નોંધાયેલા ગુના:
| વર્ષ (Year) | નોંધાયેલા ગુના (Registered Crimes) |
|---|---|
| 2020 | 8028 |
| 2021 | 7348 |
| 2022 | 7731 |
| 2023 | 7805 |
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
