રશિયાના રાષ્ટ્રપતિ વ્લાદિમીર પુતિન ભારત પહોંચ્યા, PM મોદીએ એરપોર્ટ પર ભવ્ય સ્વાગત કર્યું
રશિયાના રાષ્ટ્રપતિ વ્લાદિમીર પુતિન ભારત પહોંચ્યા છે. એરપોર્ટ પર PM નરેન્દ્ર મોદીએ વ્યક્તિગત રીતે તેમનું સ્વાગત કર્યું અને બંને નેતાઓએ સૌહાર્દપૂર્વક એકબીજાને ભેટ્યા. ત્યારબાદ મોદી અને પુતિન એક જ કારમાં એરપોર્ટથી રવાના થયા, જે બંને દેશો વચ્ચેના મજબૂત સંબંધોનું પ્રતિક માનવામાં આવે છે.
રશિયા-યુક્રેન યુદ્ધ શરૂ થયા બાદ પુતિનની આ પહેલી ભારત મુલાકાત છે અને તેઓ લગભગ 30 કલાક ભારતમાં રોકાવાના છે. તેમના સન્માનમાં PM મોદી આજે રાત્રે એક ખાસ પ્રાઇવેટ ડિનરનું આયોજન પણ કરશે.
પુતિનના આગમન પહેલા રશિયાના મોટા સ્તરના પ્રતિનિધિમંડળે દિલ્હી પહોંચીને તૈયારી શરૂ કરી દીધી હતી. તેમાં નાયબ વડાપ્રધાન ડેનિસ મન્ટુરોવ, રક્ષા પ્રધાન સેરગેઈ શોઇગુ અને કૃષિ મંત્રી દિમિત્રી પેટ્રોવ સહિતના અગ્રણીઓનો સમાવેશ થાય છે.
મોદી-પુતિન બેઠકમાં રક્ષા, ઊર્જા, વેપાર અને વૈશ્વિક મુદ્દાઓ પર મહત્વપૂર્ણ ચર્ચા થવાની શક્યતા છે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
