પાકિસ્તાને ભારતીય રક્ષા મંત્રી રાજનાથ સિંહના સિંધ પ્રાંત સંબંધિત નિવેદન સામે સખત વાંધો નોંધાવ્યો છે. પાકિસ્તાની વિદેશ મંત્રાલયે એક સત્તાવાર નિવેદન પ્રકાશિત કરીને રાજનાથ સિંહના શબ્દોને “ખોટા, ઉશ્કેરણીજનક અને ખતરનાક” ગણાવ્યા છે.
પાકિસ્તાનનું કહેવું છે કે આવા નિવેદનો આંતરરાષ્ટ્રીય કાયદા અને પરસ્પર માન્ય સીમાઓના સિદ્ધાંતો વિરુદ્ધ છે. તેમનાં અનુસાર, ભારતના નેતાઓએ આવી ટિપ્પણીઓથી દૂર રહેવું જોઈએ, કારણ કે તે પ્રદેશમાં તણાવ તથા અસ્થીરતા વધારી શકે છે.
રાજનાથ સિંહે શું કહ્યું હતું?
દિલ્હીમાં આપેલા નિવેદનમાં રાજનાથ સિંહએ કહ્યું હતું કે:
“આજે સિંધની જમીન ભલે ભારતનો ભાગ નથી, પરંતુ સભ્યતા મુજબ સિંધ હંમેશાં ભારતનો હિસ્સો રહ્યો છે. જ્યાં સુધી જમીનની વાત છે, બોર્ડર ક્યારે બદલાઈ જાય એ કોઈ જાણતું નથી. ભવિષ્યમાં સિંધ ફરીથી ભારત સાથે જોડાઈ જાય તો આશ્ચર્ય નહીં થાય.”
આ નિવેદન બાદ પાકિસ્તાને કૂટનિવૃત્તિસ્તરે પ્રતિક્રિયા આપી છે અને જણાવ્યું છે કે આવી ટિપ્પણીઓ દેશોની સંપ્રભુતા અને સીમાઓની અખંડિતતા પર આંચકો પહોંચાડે છે.
પ્રદેશમાં તણાવ વધવાની ચિંતા
પાકિસ્તાનનું કહેવું છે કે આ પ્રકારના નિવેદનો માત્ર રાજકીય નહી, પરંતુ સુરક્ષા દૃષ્ટિએ પણ તણાવ વધારવા વાળા સાબિત થાય છે.
વિદેશ મંત્રાલયે ભારતને ભલામણ કરી છે કે તેના નેતાઓએ જવાબદારીપૂર્વક નિવેદનો આપવા જોઈએ.
સિંધના નેતાએ રાજનાથના નિવેદનનું સ્વાગત કર્યું
જય સિંધ મુત્તાહિદા મહાઝ (જેએસએમએમ) ના નેતા શફી બુરફતે રાજનાથ સિંહના નિવેદનનું ઉષ્માભર્યું સ્વાગત કર્યું, અને લખ્યું કે તે સિંધી લોકો માટે ઐતિહાસિક, પ્રોત્સાહક અને પ્રેરણાદાયક હતું.
તેમના મતે આ નિવેદન સિંધની સ્વતંત્રતા અને ભારત સાથે ભવિષ્યમાં મજબૂત સંબંધોની આશાઓ જગાડે છે. તેમણે કહ્યું કે સિંધુદેશ ચળવળ શરૂઆતથી જ સિંધ અને ભારત વચ્ચેના ઊંડા સાંસ્કૃતિક, ઐતિહાસિક અને ભાવનાત્મક સંબંધોમાં વિશ્વાસ રાખે છે.
બર્ફતે પાકિસ્તાન પર સિંધી લોકોની ઓળખ, ભાષા અને સંસ્કૃતિને નબળી પાડવાનો પ્રયાસ કરવાનો આરોપ લગાવ્યો. તેમણે કહ્યું કે પાકિસ્તાનમાં સિંધીઓને રાજકીય અધિકારોથી વંચિત રાખવામાં આવી રહ્યા છે, તેમના સંસાધનોનું શોષણ કરવામાં આવી રહ્યું છે અને તેમના કાર્યકરો પર અત્યાચાર કરવામાં આવી રહ્યો છે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
