IPL 2026ના મીની ઑક્શન માટે ખેલાડીઓએ ભારે ઉત્સાહ દર્શાવ્યો છે. ઈન્ડિયન પ્રીમિયર લીગની આવનારી સીઝન માટે 1,355 ખેલાડીઓએ રજિસ્ટ્રેશન કરાવ્યું છે, જેમાં ભારતથી લઈને ઇંગ્લેન્ડ, ઓસ્ટ્રેલિયા, દક્ષિણ આફ્રિકા સહિત 14 દેશોના દિગ્ગજો સામેલ છે. હરાજી 16 ડિસેમ્બરે અબુ ધાબીમાં યોજાવાની છે.
ભારતીય સ્ટાર્સનો ઊંચો ઉમંગ
રજિસ્ટ્રેશન કરાવતા ભારતીય સ્ટાર ખેલાડીઓમાં મયંક અગરવાલ, કેએસ ભરત, રાહુલ ચાહર, રવિ બિશ્નોઇ, દીપક હુડ્ડા, વેંકટેશ અય્યર, શિવમ માવી, ચેતન સાકરિયા, પૃથ્વી શૉ, ઉમેશ યાદવ અને સંદીપ વોરિયર જેવા જાણીતા નામો સામેલ છે.
બેઝ પ્રાઇસ ₹2 કરોડ રાખનારા માત્ર બે ભારતીય ખેલાડી છે-
- રવિ બિશ્નોઇ (સ્પિનર)
- વેંકટેશ અય્યર (KKR દ્વારા મેગા ઓક્શનમાં 20+ કરોડમાં ખરીદાયેલા)
વિદેશી સુપરસ્ટાર્સની ભરમાર
ક્રિકબઝની માહિતી મુજબ 13-પાનાની રજિસ્ટ્રેશન શીટમાં અનેક ટોચના ઇન્ટરનેશનલ દિગ્ગજો સામેલ છે:
- કેમેરોન ગ્રીન
- મેથ્યુ શોર્ટ
- સ્ટીવ સ્મિથ
- જોશ ઇંગ્લિસ
- જોની બેયરસ્ટો
- રચિન રવિન્દ્ર
- વાનિન્દુ હસરંગા
- મથિશા પથિરાના
સાથે જ 43 વિદેશી ખેલાડીઓએ મૅક્સિમમ બેઝ પ્રાઈસ ₹2 કરોડ વાળા બ્રેકેટમાં નામ નોંધાવ્યું છે. તેમાં ઈંગ્લેન્ડ, ઓસ્ટ્રેલિયા, ન્યુઝીલેન્ડ, અફઘાનિસ્તાન અને દક્ષિણ આફ્રિકા સહિતના મોટા ખેલાડીઓ સામેલ છે.
14 દેશોના ખેલાડીઓ રસ ધરાવે છે IPL હરાજીમાં
આ વર્ષે હરાજી માટે 14 દેશોના ખેલાડીઓએ પોતાનું નામ નોંધાવ્યું છે.
વેસ્ટ ઈન્ડિઝના શાઈ હોપ, અકીલ હુસૈન અને અલઝારી જોસેફ પણ ₹2 કરોડની બેઝ પ્રાઈસ સાથે રેસમાં છે.
બાંગ્લાદેશના શાકિબ અલ હસનએ ₹1 કરોડ બેઝ પ્રાઈસ સાથે પોતાને ઉપલબ્ધ જાહેર કર્યા છે.
ટીમો પાસે રૂ. 237.55 કરોડનો પૈસાનો જથ્થો
હરાજીમાં 10 ટીમો પાસે કુલ ₹237.55 કરોડનો પર્સ છે. કુલ 77 સ્લોટ ભરવાના છે, જેમાંથી 31 સ્લોટ વિદેશી ખેલાડીઓ માટે છે.
ખેલાડીઓની આ વિશાળ સૂચિ IPLની લોકપ્રિયતા અને ખેલાડીઓમાં તેની ક્રેઝને ફરી સાબિત કરે છે. હવે જોવાનું રહ્યું કે આ 1355 ખેલાડીઓમાંથી કેટલા શોર્ટલિસ્ટ થાય છે અને કયા સ્ટાર્સ ઉપર franchises મોટો દાવ લગાવે છે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
