મુખ્યમંત્રી ભૂપેન્દ્ર પટેલે કમોસમી વરસાદથી અસરગ્રસ્ત ખેડૂતોને મદદરૂપ થવા માટે 9,815 કરોડ રૂપિયાનું ઐતિહાસિક રાહત સહાય પેકેજ જાહેર કર્યું છે. રાજ્યમાં તાજેતરના અસાધારણ વરસાદને કારણે ઉભા પાકને થયેલા નુકસાન માટે ધરતીપુત્રોને હેક્ટર દીઠ રૂ. 22,000 સુધીની સહાય મળશે.
આ સહાય મેળવવા માટે ખેડૂતો 14મી નવેમ્બર, શુક્રવાર બપોરે 12 વાગ્યાથી ઓનલાઈન અરજી કરી શકશે. આ પ્રક્રિયા 15 દિવસ સુધી ચાલુ રહેશે. અરજી માટેનું પોર્ટલ https://krp.gujarat.gov.in કાર્યરત રહેશે અને ખેડૂતોને અરજી કરવામાં VCE/VLE દ્વારા મદદ આપવામાં આવશે.
મુખ્યમંત્રીના માર્ગદર્શન હેઠળ વરસાદથી થયેલા નુકસાનનો સર્વે, મંત્રીઓની અસરગ્રસ્ત જિલ્લાઓની મુલાકાતો અને કૃષિ, મહેસુલ તેમજ નાણાં વિભાગની સતત બેઠકો બાદ ફક્ત એક અઠવાડિયામાં જ સમગ્ર વહિવટી પ્રક્રિયા પૂર્ણ કરીને પેકેજ જાહેર કરવામાં આવ્યું છે.
કૃષિ મંત્રીએ જણાવ્યું કે આ ઝડપી અને કિસાન-હિતકારી નિર્ણય મુખ્યમંત્રી ભૂપેન્દ્ર પટેલના સંવેદનશીલ નેતૃત્વ અને ખેડૂતો પ્રત્યેની પ્રતિબદ્ધતાનું પ્રતિબિંબ છે.
રાજ્યના ખેડૂતોને મળશે 11,137 કરોડનું ઐતિહાસિક રાહત પેકેજ: આવતીકાલથી શરૂ થશે ઓનલાઈન અરજી પ્રક્રિયા
મુખ્યમંત્રી ભૂપેન્દ્ર પટેલે કમોસમી વરસાદથી અસરગ્રસ્ત ખેડૂતો માટે સંવેદનશીલ નિર્ણય લેતા કુલ ₹11,137 કરોડનું રાહત સહાય પેકેજ જાહેર કર્યું છે. આ અંતર્ગત અગાઉ બનાસકાંઠાના વાવ-થરાદ સહિત પાંચ જિલ્લાઓમાં થયેલા કમોસમી વરસાદથી નુકસાન પામેલા ખેડૂતોને પણ પિયત-બિનપિયત સમાન ધોરણે હેક્ટર દીઠ ₹22,000 ની સહાય આપવામાં આવશે, જેમાં મહત્તમ મર્યાદા બે હેક્ટર રહેશે.
કૃષિ મંત્રી જીતુભાઈ વાઘાણીએ જણાવ્યું કે મુખ્યમંત્રી ભૂપેન્દ્ર પટેલના માર્ગદર્શન હેઠળ કૃષિ વિભાગે આ પેકેજ માટેનો ઠરાવ તૈયાર કર્યો છે. ખેડૂતોને આ સહાયનો લાભ લેવા માટે 14 નવેમ્બર, શુક્રવાર બપોરે 12 વાગ્યાથી ઓનલાઈન અરજી પ્રક્રિયા શરૂ થશે, જે 15 દિવસ સુધી ચાલુ રહેશે.
ખેડૂતો https://krp.gujarat.gov.in પોર્ટલ પર અરજી કરી શકશે, જ્યાં VCE/VLE દ્વારા સહાયતા ઉપલબ્ધ રહેશે.
આ નિર્ણયને ખેડૂતોના હિતમાં લેવામાં આવેલા સંવેદનશીલ અને ઐતિહાસિક પગલાં તરીકે ગણાવવામાં આવી રહ્યો છે. ખેડૂત સમાજે મુખ્યમંત્રી ભૂપેન્દ્ર પટેલનો આભાર વ્યક્ત કર્યો છે કે તેમણે રાજ્યના ધરતીપુત્રોને સમયસર રાહત આપવાનો માનવિય અભિગમ દાખવ્યો છે.
સહાય સીધી બેન્ક ખાતામાં જમા થશે
મુખ્યમંત્રી ભૂપેન્દ્ર પટેલના માર્ગદર્શન હેઠળ રાજ્ય સરકાર દ્વારા કમોસમી વરસાદથી અસરગ્રસ્ત ખેડૂતો માટે ₹11,137 કરોડનું ઐતિહાસિક રાહત સહાય પેકેજ જાહેર કરવામાં આવ્યું છે. આ અંતર્ગત રાજ્યના તમામ પાત્ર ખેડૂતોને હેક્ટર દીઠ ₹22,000 સુધીની સહાય મળશે, મહત્તમ બે હેક્ટર મર્યાદા સાથે.
કૃષિમંત્રી જીતુભાઈ વાઘાણીએ જણાવ્યું કે આ પેકેજનો લાભ લેવા માટે ખેડૂતો 14 નવેમ્બર, શુક્રવાર બપોરે 12 વાગ્યાથી ઓનલાઈન અરજી કરી શકશે. અરજી માટેનું પોર્ટલ https://krp.gujarat.gov.in 15 દિવસ સુધી કાર્યરત રહેશે.
અરજી પ્રક્રિયા સંબંધિત મહત્વની માહિતી:
- ખેડૂતોને VCE/VLE મારફતે ઓનલાઈન અરજી કરવાની રહેશે.
- અરજી માટે કોઈપણ પ્રકારની ફી અથવા ચૂકવણું લેવાનું નથી.
- સહાયની રકમ PFMS/RTGS દ્વારા સીધી DBT પદ્ધતિથી લાભાર્થીના બેન્ક ખાતામાં જમા થશે.
- આ માટે રાજ્યના 16,500થી વધુ ગામોનું પોર્ટલ સાથે મેપિંગ પૂર્ણ કરવામાં આવ્યું છે.
કૃષિમંત્રીએ વધુમાં જણાવ્યું કે, નિયમ મુજબ પાત્ર અરજીઓ મળતાં જ તેમની ચકાસણી બાદ તાત્કાલિક સહાય ચુકવણીની કાર્યવાહી શરૂ કરવામાં આવશે. જરૂર જણાય તો અરજીની સમયમર્યાદા વધારવા માટે પણ રાજ્ય સરકાર સકારાત્મક અભિગમ ધરાવે છે.
ખેડૂત સમાજે આ નિર્ણયને મુખ્યમંત્રી ભૂપેન્દ્ર પટેલના સંવેદનશીલ અને કિસાનહિતકારી નેતૃત્વનું પ્રતિબિંબ ગણાવ્યું છે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
