ગુજરાત પોલીસ ભરતી બોર્ડ દ્વારા ટેક્નિકલ સેવાઓ હેઠળ વાયરલેસ અને મોટર ટ્રાન્સપોર્ટ વિભાગમાં વર્ગ-3 પદોની ભરતી માટે સત્તાવાર જાહેરાત કરવામાં આવી છે. આ ભરતીમાં કુલ 950 ખાલી જગ્યાઓ સીધી ભરતી દ્વારા ભરવામાં આવશે. લાયક ઉમેદવારો માટે ફક્ત ઓનલાઈન અરજીઓ મંગાવવામાં આવી છે.
અરજીની તારીખો અને લાયકાત
આ ભરતી માટે 9 જાન્યુઆરી, 2026ના બપોરે 2 વાગ્યાથી 29 જાન્યુઆરી, રાત્રે 11:59 વાગ્યા સુધી અરજી કરી શકાશે. ઉમેદવારોએ એન્જિનિયરિંગ અથવા ટેક્નોલોજીના વિવિધ પ્રવાહોમાંથી ડિગ્રી અથવા ડિપ્લોમા ધરાવવી જરૂરી છે. જેમાં સમાવેશ થાય છે:
- ઇલેક્ટ્રોનિક્સ
- કોમ્યુનિકેશન
- આઇટી
- કોમ્પ્યુટર સાયન્સ
- ઓટોમોબાઇલ
- મિકેનિકલ
ફક્ત લાયક ઉમેદવારોને ઓનલાઈન અરજી કરવાની મંજૂરી મળશે.
| પોસ્ટ | જગ્યાઓ (Vacancies) |
|---|---|
| વાયરલેસ PSI | 172 |
| ટેક્નિકલ ઓપરેટર | 698 |
| મોટર ટ્રાન્સપોર્ટ PSI | 35 |
| HC ડ્રાઇવર મિકેનિક (ગ્રેડ-1) | 45 |
અગાઉની PSI અને LRD ભરતીની યાદી
ઉલ્લેખનીય છે કે રાજ્યમાં PSI અને LRD માટે 13,591 જગ્યાઓ માટેની ભરતી માટે શારીરિક કસોટી 21 જાન્યુઆરી, 2026થી શરૂ થશે. કોલલેટર ડાઉનલોડ પ્રક્રિયા અંગે વિગત ટૂંક સમયમાં જાહેર કરવામાં આવશે. આ ભરતી માટે રાજ્યભરના 14,28,546 ઉમેદવારો અરજી કરી ચૂક્યા છે.
PSI અને LRD જેવી મહત્વપૂર્ણ કેડરના માટે શારીરિક કસોટી એક મહત્વપૂર્ણ માપદંડ છે. ઉમેદવારોને તમામ જરૂરી દસ્તાવેજો તૈયાર રાખવા અને શારીરિક ધોરણ માટે પૂર્વ તૈયારી રાખવાની સલાહ આપવામાં આવી છે.
સલાહ અને સૂચનાઓ
ગુજરાત પોલીસ ભરતી બોર્ડ દ્વારા સૂચના આપવામાં આવી છે કે ઉમેદવારો નિયમિત રીતે ભરતી બોર્ડની અધિકૃત વેબસાઈટ પર જઈને અપડેટ્સ અને સૂચનાઓ ચેક કરે. તમામ જરૂરી દસ્તાવેજો, લાયકાત અને શારીરિક ધોરણના નિયમોનું પાલન કરવું જરૂરી છે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
