ભારતનો GDP ગ્રોથ 2025-26ના Q2માં 8.2%: છેલ્લા 6 ક્વાર્ટરમાં સૌથી ઝડપી વૃદ્ધિ
ભારતના નાણાકીય વર્ષ 2025-26ના બીજા ક્વાર્ટર (જુલાઈ-સપ્ટેમ્બર)માં દેશનો GDP ગ્રોથ 8.2% રહ્યો છે. આ વૃદ્ધિ છેલ્લા છ ક્વાર્ટરમાં સૌથી વધુ નોંધાઈ છે. ગયા વર્ષે આ જ ક્વાર્ટરમાં GDP ગ્રોથ 5.6% હતો, જ્યારે આ વર્ષે પ્રથમ ક્વાર્ટર (એપ્રિલ-જૂન)માં 7.8% વૃદ્ધિ નોંધાઈ હતી.
મેન્યુફેક્ચરિંગ સેક્ટરની મજબૂત કામગીરી, ઉત્પાદન વધારાના આંકડા અને સ્થિર નીતિઓના કારણે અર્થતંત્રમાં આ તેજી જોવા મળી છે. આ આંકડા સરકારે 28 નવેમ્બરના રોજ જાહેર કર્યા હતા.
વર્ષ દર વર્ષની આધારે સેક્ટર-વાઈઝ GDP ગ્રોથ
| સેક્ટર | Q2FY 2024-25 | Q2FY 2025-26 |
|---|---|---|
| એગ્રીકલ્ચર | 4.1% | 3.5% |
| માઇનિંગ | -0.4% | -0.04% |
| મેન્યુફેક્ચરિંગ | 2.2% | 9.1% |
| ઈલેક્ટ્રિસિટી | 3.0% | 4.4% |
| કન્સ્ટ્રક્શન | 8.4% | 7.2% |
| ટ્રેડ, હોટલ | 6.1% | 7.4% |
| ફિન અને રિયલ એસ્ટેટ | 7.2% | 10.2% |
| પબ્લિક એડમિનિસ્ટ્રેશન | 8.9% | 9.7% |
છેલ્લા 6 ત્રિમાસિક ગાળામાં GDP વૃદ્ધિ
| ક્વાર્ટર | GDP ગ્રોથ |
|---|---|
| Q1-2026 | 7.80% |
| Q4-2025 | 7.40% |
| Q3-2025 | 6.20% |
| Q2-2025 | 5.60% |
| Q1-2025 | 6.50% |
| Q4-2024 | 7.40% |
FY26 માટે GDP વૃદ્ધિનો અંદાજ
| ક્વાર્ટર | પહેલાનો અંદાજ | અત્યારે |
|---|---|---|
| Q2FY26 | 6.70% | 7.00% |
| Q3FY26 | 6.60% | 6.40% |
| Q4FY26 | 6.30% | 6.20% |
| Q1FY27 | 6.60% | 6.40% |
RBIનો વૃદ્ધિનો અંદાજ વધારાયો
રિઝર્વ બેંક ઓફ ઈન્ડિયા (RBI) એ 1 ઓક્ટોબરના રોજ થયેલી મોનેટરી પોલિસી મીટિંગમાં FY26 માટે આર્થિક વૃદ્ધિનો અંદાજ 6.5% થી વધારીને 6.8% કર્યો હતો. RBIએ જણાવ્યું હતું કે અનુકૂળ આર્થિક વાતાવરણ, સરકારે અપનાવેલી નીતિઓ અને સ્થિર મોનેટરી પોલિસી ભારતની નજીકના ભવિષ્યની વૃદ્ધિને વધુ મજબૂત બનાવે છે.
ભલે વૈશ્વિક વેપારમાં પડકારો યથાવત છે, પરંતુ ભૂ-રાજકીય અનિશ્ચિતતાઓ થોડા પ્રમાણમાં ઘટાડા પામ્યા છે.
5 વર્ષમાં GDPની સ્થિતિ
| વર્ષ | GDP ગ્રોથ |
|---|---|
| 2020 | -5.8% |
| 2021 | 9.7% |
| 2022 | 7.0% |
| 2023 | 8.2% |
| 2024 | 6.5% |
GDP શું છે?
GDP (Gross Domestic Product) એ દેશની ઇકોનોમીનું સ્વાસ્થ્ય માપવાનું મુખ્ય સાધન છે. તે દેશની સીમાની અંદર એક નિશ્ચિત સમયગાળા દરમિયાન ઉત્પાદિત તમામ ગુડ્સ અને સર્વિસના મૂલ્યનું પ્રતિનિધિત્વ કરે છે. તેમાં વિદેશી કંપનીઓનું અહીં થયેલું ઉત્પાદન પણ સામેલ થાય છે.
GDPના પ્રકાર
GDP બે પ્રકારની હોય છે:
- રિયલ GDP: બેઝ યર (હાલમાં 2011-12)ના સ્થિર ભાવ પર ગણતો.
- નોમિનલ GDP: વર્તમાન ભાવો (Current Prices) પર ગણતો.
GDPની ગણતરીનો ફોર્મ્યુલા
GDP ની ગણતરી માટે નીચેના ફોર્મ્યુલા નો ઉપયોગ થાય છે:
GDP = C + G + I + NX
અહીં,
- C = પ્રાઇવેટ કન્ઝમ્પ્શન
- G = ગવર્નમેન્ટ સ્પેન્ડિંગ
- I = ઇન્વેસ્ટમેન્ટ
- NX = નેટ એક્સપોર્ટ
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
