એર ઇન્ડિયાનો પ્લેન એન્જિન ફેઈલ, દિલ્હીમાં ઇમર્જન્સી લેન્ડિંગ; 335 મુસાફરો સુરક્ષિત

દિલ્હી-મુંબઈ એર ઇન્ડિયા ફ્લાઈટ AI-887નું એક એન્જિન ફેઈલ, 40 મિનિટમાં ઇમર્જન્સી લેન્ડિંગ; 335 મુસાફરો સુરક્ષિત

દિલ્હીથી મુંબઈ માટે જઈ રહી એર ઇન્ડિયા ફ્લાઈટ AI-887ને ટેક-ઓફ પછી માત્ર 40 મિનિટમાં ઇમર્જન્સી લેન્ડિંગ કરવું પડ્યું. રિપોર્ટ્સ અનુસાર ફ્લાઈટનું જમણું એન્જિન બંધ થઈ ગયું અને ઓઇલ પ્રેશર ઝીરો નોંધાયું, જેના કારણે પ્લેનને તરત જ દિલ્હી એરપોર્ટ પર પાછું ફરવું પડ્યું.

ફ્લાઈટ સવારે 6:10 વાગ્યે ઉડી હતી અને 6:52 વાગ્યે સુરક્ષિત રીતે લેન્ડિંગ કરી. DGCAના સૂત્રો જણાવે છે કે ટેક-ઓફ પછી ફ્લૅપ રિટ્રેક્શન દરમિયાન જમણાં એન્જિનમાં ઓઇલ પ્રેશર ઘટી ગયું હતું. અગાઉના રેકોર્ડની સમીક્ષા કરવામાં આવી હતી, પરંતુ કોઈ અસામાન્ય તેલનો વપરાશ દેખાયો નથી.

સિવિલ એવિએશન મંત્રાલયે એર ઇન્ડિયા પાસેથી વિગતવાર રિપોર્ટ માગ્યો છે અને DGCAને સમગ્ર ઘટના તપાસવાનો આદેશ આપ્યો છે. મુસાફરોને શક્ય તમામ મદદ અને આગામી ફ્લાઈટ્સમાં એડજસ્ટ કરવાનો પણ આદેશ આપવામાં આવ્યો છે.

વિશેની જાણકારી અનુસાર, ઓઇલ પ્રેશર ઝીરો થવું ગંભીર સ્થિતિ છે, પરંતુ 2 એન્જિનવાળા પ્લેન એક એન્જિન પર પણ સલામત લેન્ડિંગ કરી શકે છે. પાઇલટોએ સમુचित પગલાં લીધા, જેના કારણે તમામ 335 મુસાફરો સુરક્ષિત રહ્યા.