ગુજરાતી ફિલ્મ ઉદ્યોગ માટે આજનો દિવસ ઐતિહાસિક બની ગયો છે. ભક્તિમય કથાવસ્તુ અને ભાવનાત્મક રજૂઆત ધરાવતી સુપરહિટ ફિલ્મ ‘લાલો – કૃષ્ણ સદા સહાયતે’ એ વૈશ્વિક સ્તરે 100 કરોડ રૂપિયાનું ગ્રોસ કલેક્શન કરીને ગુજરાતના સિનેમા ઇતિહાસમાં અનોખું પાનું લખી દીધું છે. એવુ સિદ્ધિ ગુજરાતીની કોઈ ફિલ્મે અત્યાર સુધી કરી ન હતી.
દર્શકોના પ્રેમે બનાવ્યું ‘લાલો’ને સાંસ્કૃતિક આંદોલન
દર્શકોનો ભારે પ્રેમ, પોઝિટિવ સંભળામણ અને જબરદસ્ત માઉથ પબ્લિસિટીના કારણે ‘લાલો’ માત્ર એક ફિલ્મ નહોતી, પરંતુ ધીમે-ધીમે સાંસ્કૃતિક આંદોલનમાં પરિવર્તિત થઈ ગઈ.
sacnilk ના આંકડાઓ મુજબ, રિલીઝના 50 દિવસ બાદ ફિલ્મે માત્ર ભારતમાં જ 94.6 કરોડ રૂપિયા કમાઈ લીધા છે. આ કલેક્શન સાથે ‘લાલો’ એ અત્યાર સુધીની સૌથી વધુ કમાણી કરનારી ગુજરાતી ફિલ્મનો રેકોર્ડ પોતાના નામે કર્યો છે.
ઓવરસીઝ કલેક્શનનો ઉમેરો — 100 કરોડનો ઐતિહાસિક આંકડો પાર
તાજેતરમાં ફિલ્મની આંતરરાષ્ટ્રીય રિલીઝ બાદ દર્શકોમાંથી અભૂતપૂર્વ પ્રતિસાદ મળ્યો. ઓવરસીઝ માર્કેટમાંથી ફિલ્મે 5.90 કરોડ રૂપિયા કમાયા.
આ ઉમેરા સાથે ‘લાલો’નું કુલ વૈશ્વિક કલેક્શન 100.5 કરોડ રૂપિયા સુધી પહોંચ્યું — અને આ રીતે ‘લાલો’ 100 કરોડ ક્લબમાં પહોંચનારી પ્રથમ ગુજરાતી ફિલ્મ બની ગઈ.
ગુજરાતી સિનેમાના ગૌરવનો ક્ષણ
આ સિદ્ધિ માત્ર ફિલ્મ માટે જ નહીં, પરંતુ સમગ્ર ગુજરાતી સિનેમા માટે ગૌરવની ક્ષણ બની છે. ‘લાલો’એ સાબિત કર્યું છે કે ગુજરાતી પ્રેક્ષકોની પસંદગી, ફિલ્મમેકિંગનો કસબ અને કન્ટેન્ટની શક્તિ—ગ્લોબલ સ્તરે પણ પ્રતિસ્પર્ધી બની શકે છે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
