સોશિયલ મીડિયા પ્લેટફોર્મ ઇન્સ્ટાગ્રામે ભારતીય વપરાશકર્તાઓ માટે બે મહત્વપૂર્ણ અપડેટ લોન્ચ કર્યા છે. નવા અપડેટ્સમાં પાંચ નવી ભારતીય ભાષાઓમાં AI ટ્રાન્સલેશન (ભાષાંતર) અને દેવનાગરી તથા બંગાળી-આસામી ફોન્ટનો સમાવેશ છે. આ ફીચર્સ કોન્ટેન્ટ ક્રિએટર્સને વધુ વપરાશકર્તાઓ સુધી પહોંચવામાં મદદ કરશે અને યુઝર્સને વિવિધ ભાષાઓમાં મનોરંજન મેળવવામાં સરળતા આવશે.
રીલ્સના નવા ટ્રાન્સલેશન ફીચર
નવી સુવિધા હેઠળ, રીલ્સને હિન્દી સિવાય હવે બંગાળી, તમિલ, તેલુગુ, કન્નડ અને મરાઠીમાં ટ્રાન્સલેટ કરી શકાય છે. પહેલા આ ફીચર માત્ર અંગ્રેજી, હિન્દી, સ્પેનિશ અને પોર્ટુગીઝ ભાષામાં જ ઉપલબ્ધ હતું. ઇન્સ્ટાગ્રામ જણાવે છે કે AI ટ્રાન્સલેશન બાદ પણ મૂળ અવાજ જ રહેશે અને નવા લિપ-સિંક ફીચર સાથે ક્રિએટરના હોઠની મૂવમેન્ટ નવી ભાષા મુજબ એડજસ્ટ થશે. પરિણામે, યુઝર્સને લાગે કે વિડિયો મૂળ ભાષામાં જ રેકોર્ડ થયો છે.
નવા ભારતીય ફોન્ટ્સ
ઇન્સ્ટાગ્રામ નવા અપડેટમાં દેવનાગરી અને બંગાળી-આસામી ફોન્ટ્સ પણ ઉમેરશે. હિન્દી, મરાઠી, બંગાળી અને આસામી ટેક્સ્ટ માટે આ ફોન્ટ્સ યોગ્ય દેખાશે. જો ફોન પહેલાથી ભારતીય ભાષામાં સેટ છે, તો નવા ફોન્ટ્સ આપમેળે દેખાશે. આ ફીચર પહેલાં એન્ડ્રોઇડ વપરાશકર્તાઓ માટે રોલઆઉટ કરવામાં આવશે.
ક્રિએટિવ ફીચર્સમાં સુધારા
ઇન્સ્ટાગ્રામ સતત નવા અને ક્રિએટિવ ફીચર્સ પર કામ કરી રહ્યું છે, જેમ કે AI રી-સ્ટાઇલિંગ, ફોટો-વીડિયો એડિટિંગમાં સુધારો, વીડિયો રિવર્સ, નવા સાઉન્ડ ઇફેક્ટ્સ અને સ્ટિલ ફોટોને લિપ-સિંક કરવું. આ નવા ફીચર્સ કોન્ટેન્ટ ક્રિએટર્સને વધુ સર્જનાત્મક અને વિવિધ ભાષાઓમાં કન્ટેન્ટ પહોંચાડવામાં મદદ કરશે.
તમામ લેટેસ્ટ ન્યૂઝના અપડેટ્સ સીધા તમારા મોબાઈલ પર મેળવવા માટે, નીચે આપેલા બટન પર ક્લિક કરીને અમારા વોટ્સએપ ગ્રુપમાં જોડાઓ.
Join WhatsApp Group
